Mae gan Dîm Cydlyniant Cymunedol Canolbarth a De-orllewin Cymru gyllid prosiect ar gael, hyd at £1500 i helpu i greu cymunedau cydlynus.
Cydlyniant cymunedol yw’r broses sy’n gorfod digwydd i sicrhau bod gwahanol grwpiau o bobl yn cyd-dynnu’n dda yn yr ardal. Cymuned gydlynus yw ardal lle mae pobl o wahanol gefndiroedd yn rhannu perthnasoedd cadarnhaol, yn teimlo’n ddiogel yn y gymdogaeth, ac yn parchu ei gilydd ac yn rhannu’r un gwerthoedd.
Bydd Cronfa Grantiau Bach Cydlyniant Cymunedol yn cefnogi prosiectau sy’n bodloni un o’r meysydd blaenoriaeth canlynol:
- datblygu digwyddiadau/mannau diogel i ddod â phobl o bob rhan o gymunedau gwahanol at ei gilydd. Gallai digwyddiadau hyrwyddo integreiddio, gan gynnwys cymunedau newydd fel ffoaduriaid o Wcráin/Syria/Afghanistan ac ati sydd wedi’u hadsefydlu.
- codi ymwybyddiaeth o ymgyrchoedd neu ddigwyddiadau megis: Wythnos Ymwybyddiaeth o Droseddau Casineb; Wythnos Rhyng-ffydd; Diwrnod Cofio’r Holocost; Diwrnod Rhyngwladol Anableddau; Mis Hanes Pobl Dduon ac ati
- canolbwyntio ar Droseddau Casineb
- ymgysylltu â grwpiau amrywiol i hyrwyddo cydlyniant cymunedol a lliniaru tensiynau cymunedol.
- cefnogi cymunedau ag anghenion megis argyfwng costau byw (e.e. Coginio ar gyllideb, digwyddiadau gydag asiantaethau i roi cyngor ar gyllid ac ati)
Dywedodd Matthew Vaux, Aelod cabinet â chyfrifoldeb am Ddiogelwch Cymunedol: “Mae hwn yn swm defnyddiol o arian i helpu cymunedau ar draws y rhanbarth. Rydym yn annog unrhyw un sy’n credu y byddai hyn o fudd i’w prosiect neu syniad penodol i gyflwyno cais neu o leiaf gysylltu i drafod eich syniad ymhellach.”
Y dyddiad cau ar gyfer ceisiadau yw 31 Awst 2022. I gael rhagor o wybodaeth am y Gronfa, cysylltwch â Sarah Bowen ar slbowen@sirgar.gov.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |