Cynhaliodd Gyrfa Cymru, mewn cydweithrediad ag Ysgol Uwchradd y Frenhines Elisabeth, ac arddangoswyr amrywiol, y digwyddiad ‘Beth nesaf? Dewiswch eich Dyfodol’ yng Nghaerfyrddin, gan roi cyfle i bobl ifanc ag anghenion dysgu ychwanegol archwilio opsiynau gyrfa ar gyfer y dyfodol.
Cynhaliwyd y digwyddiad ddydd Mawrth, 28 Ionawr 2025, rhwng 9.30am a 2.30pm, a chroesawodd y digwyddiad ddisgyblion Blwyddyn 10 ac 11 o ysgolion arbennig ledled Sir Gaerfyrddin, Ceredigion, Sir Benfro a Phowys. Roedd tua 150 o fyfyrwyr yn archwilio eu gyrfaoedd yn y dyfodol yn y digwyddiad.
Roedd 10 sefydliad o amrywiaeth o sectorau yn bresennol yn y digwyddiad, gan gynnig gwybodaeth am swyddi, gyrfaoedd, prentisiaethau, hyfforddiant a llwybrau addysgol.
Cymerodd y myfyrwyr ran mewn gweithdai rhyngweithiol, a chawsant gyfle i fwynhau gweithgareddau ymarferol i ddysgu am wahanol swyddi a chysylltu â darpar gyflogwyr. Roedd cynghorwyr gyrfa hefyd wrth law i roi cyngor a chyfarwydd diduedd ar gyrsiau, cymwysterau a llwybrau gyrfa.
Dywedodd disgybl Blwyddyn 10 a oedd yn bresennol yn y digwyddiad: “Mae’n brofiad gwych i bob ysgol, mae’n dda bod cyflogwyr yn cyflwyno’u hunain i ni.”
Ychwanegodd disgybl arall o Flwyddyn 10: “Rwy’n meddwl bod y digwyddiad wedi bod yn ddefnyddiol iawn. Roeddwn i’n hoffi’r pethau rhyngweithiol.”
Dywedodd disgybl o Flwyddyn 11: “Rwy’n meddwl ei bod yn bwysig iawn cael pobl ifanc i’r math hwn o ddigwyddiad fel y gallan nhw weld yr holl opsiynau sydd ar gael.”
Dywedodd disgybl arall o Flwyddyn 11: “Mae’n gyfle da i archwilio opsiynau, yn enwedig i’r rheini ohonon ni sy’n ansicr ynghylch yr hyn rydyn ni eisiau ei wneud yn y dyfodol.”
Dywedodd Leanne McFarland, ymgysylltydd gyrfaoedd ar gyfer gofal rhanbarthol gyda Gofalwn Cymru: “Mae’n wych cael y digwyddiadau hyn sydd wedi’u trefnu gan Gyrfa Cymru, gan eu bod yn rhoi cyfle i bob myfyriwr weld pa gyfleoedd gyrfa sydd ar gael iddyn nhw, a pha opsiynau gwahanol sydd ganddyn nhw ar ôl gadael yr ysgol.”
Dywedodd James Harper, rheolwr effaith gymdeithasol gyda Principality: “Mae’n wych bod yng Nghaerfyrddin heddiw. Mae’n wych cyfarfod â chynifer o bobl ifanc, ac rydyn ni’n gweithio’n galed i godi ymwybyddiaeth o yrfaoedd yn y gwasanaethau ariannol ledled Cymru.”
Dywedodd Hannah Stephens, cynghorydd cyswllt busnes Gyrfa Cymru: “Mae’r digwyddiad hwn yn ymwneud â chreu amgylchedd cynhwysol lle gall pobl ifanc ag anghenion dysgu ychwanegol gysylltu’n uniongyrchol â chyflogwyr a darparwyr hyfforddiant.
“Yn ogystal â helpu i feithrin eu hyder a’u cymhelliant, bydd yr wybodaeth a’r anogaeth a gânt yn eu helpu i nodi cyfleoedd a gwneud dewisiadau gwybodus am eu gyrfaoedd yn y dyfodol.”
Ysgolion a oedd yn bresennol:
-
Ysgol Bro Teifi
-
Canolfan yr Eithin
-
Canolfan Elfed, Ysgol Uwchradd y Frenhines Elisabeth
-
Penglais – Canolfan Adnoddau Clyw
-
Heol Goffa
-
Ysgol Portfield
-
Stepping Stones, Penfro
-
Ysgol Penrhyn Dewi
-
Ysgol Tŷ Trafle
-
Ysgol Aberdaugleddau
-
Ysgol Uwchradd Aberteifi
-
Ysgol Bro Dinefwr
-
Ysgol Heol Goffa
-
Canolfan Y Gors
-
Ysgol Gyfun Emlyn
-
Coleg Ceredigion
Y rhestr lawn o gyflogwyr a oedd yn bresennol yn y digwyddiad:
-
Bwrdd Iechyd Prifysgol Hywel Dda
-
Gofalwn Cymru
-
Castell Howell
-
Cymdeithas Adeiladu’r Principality
-
Gwaith yn yr Arfaeth
-
Barod
-
Coleg Sir Gâr
-
Heddlu Dyfed-Powys
-
Cwmni Adeiladu Tilbury Douglas
-
Cyngor Bwrdeistref Sirol Caerfyrddin
I gael rhagor o wybodaeth am ddigwyddiadau ac adnoddau gyrfa yn y dyfodol, ewch i wefan Gyrfa Cymru.
|
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
