Mae Etholiad Senedd 2026 yn cynnig “cyfle euraidd i ethol llywodraeth o blaid Cymru” meddai arweinydd Plaid Cymru.
Gan nodi blwyddyn i fynd cyn i bobl Cymru fynd i bleidleisio, gwahoddodd Rhun ap Iorwerth bawb sy’n “credu yng Nghymru a’i phosibiliadau” i bleidleisio dros Blaid Cymru fel yr unig ”lywodraeth gredadwy o blaid Cymru” yn 2026.
Wrth siarad mewn digwyddiad ym Mae Caerdydd i nodi 12 mis tan Etholiad Cyffredinol Cymru, bydd Rhun ap Iorwerth AS yn dweud:
“Mae Cymru dybryd angen am ddechrau newydd a syniadau newydd ar ôl 25 mlynedd o Lafur yn y grym.
“Rwy’n gwahodd pawb sy’n credu yng Nghymru a’i phosibiliadau i fanteisio ar y cyfle euraidd a phleidleisio dros Blaid Cymru y flwyddyn nesaf fel yr unig lywodraeth gredadwy o blaid Cymru.
“Dro ar ôl tro dros yr ychydig fisoedd diwethaf, mae’r Prif Weinidog Eluned Morgan a’i llywodraeth Lafur wedi rhoi eu plaid o flaen gwlad. Maent wedi methu â sefyll yn erbyn Keir Starmer ac wedi rhoi’r gorau i fynnu tegwch i Gymru.
“Mewn cyferbyniad llwyr, byddai llywodraeth Plaid Cymru yn mynnu bargen well i Gymru ar bob tro fel y gallwn roi’r gwasanaethau cyhoeddus yr ydych yn eu haeddu i chi.
“Iechyd, cyfoeth a Chymru fydd ffocws fy llywodraeth i – un a fydd yn blaenoriaethu rhoi’r gofal sydd ei angen ar bobl lle a phryd bynnag y mae ei angen arnynt, ac yn mynd i’r afael â’r heriau parhaus o ran costau byw sy’n effeithio ar gynifer.
“Dim ond yr un canlyniadau y bydd ethol Prif Weinidog Llafur arall yn eu cyflawni – economi sy’n simsanu, cynghorau dan straen ac argyfwng yn y gwasanaeth iechyd. Felly ar y 7fed o Fai y flwyddyn nesaf, rwy’n annog pawb sydd eisiau gweld newid go iawn, sydd eisiau llywodraeth nad yw’n ofni sefyll yn erbyn San Steffan, ac sy’n credu nad yw hyn mor dda ag y mae’n ei gael i Gymru i bleidleisio dros Blaid Cymru.
“Mae’r dewis yn glir, pedair blynedd arall o Lafur yn blaenoriaethu buddiannau Llafur, neu Lywodraeth Plaid Cymru yn ddi-baid wrth ddilyn yr hyn sy’n iawn i Gymru.”
|
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |