Mae Nicola Martin-Davies a’i chydweithwyr yn Ysgol Penygroes wedi codi £1,000 ar gyfer Gwasanaeth Canser y Pen a’r Gwddf yn Ysbyty Glangwili.
Yn ddiweddar, derbyniodd Nicola, cynorthwyydd addysgu, ofal eithriadol gan dîm Gwasanaeth Canser y Pen a’r Gwddf.
Yn ystod tymor yr haf ysgol 2022, penderfynodd staff Ysgol Penygroes godi arian ar gyfer y gwasanaeth drwy bobi a gwerthu cacennau.
Dywedodd Nicola: “Rwyf wrth fy modd fy mod wedi codi £1,000, er nad oeddwn yn gallu bwyta cacen ar y pryd.”
Dywedodd Anwen Butten, Nyrs Glinigol Arbenigol Canser y Pen a’r Gwddf: “Hoffai Tîm Canser y Pen a’r Gwddf Bwrdd Iechyd Prifysgol Hywel Dda ddiolch o galon i Nicola a’i chydweithwyr.
“Bydd y rhoddion hael hyn yn ein galluogi i ddarparu gwasanaethau a gweithgareddau y tu hwnt i’r hyn y gall y GIG ei ddarparu fel arfer i gleifion canser y pen a’r gwddf a’u teuluoedd cyn ac ar ol triniaeth, yn ystod eu hadferiad ac adsefydlu hirdymor, a darparu cymorth i’n cleifion lliniarol.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.elusennauiechydhyweldda.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |