MAE Cyngor Sir Caerfyrddin wedi croesawu’r Eisteddfod Genedlaethol yn ôl i’r sir ac i’r Meysydd Gŵyl yn Llanelli am y tro cyntaf ers 2000.
Mae’r Cyngor yn edrych ymlaen at groesawu tua 150,000 o ymwelwyr i’r sir dros yr wythnos nesaf a fydd yn dathlu’r iaith Gymraeg a diwylliant Cymru.
Bob blwyddyn, mae’r Eisteddfod yn werth mwy nag £8 miliwn i economi’r sir sy’n ei chynnal, ac mae’r digwyddiad ei hun yn werth £3.4 miliwn.
Mae’r ŵyl yn uchafbwynt prosiect cymunedol dwy flynedd, a ddisgrifiwyd fel cynllun adfywio teithiol pennaf Cymru, sy’n dod â phobl ynghyd o bob cwr o’r sir i gymryd rhan mewn amrywiaeth eang o weithgareddau a digwyddiadau i hybu’r Eisteddfod Genedlaethol.
Yn y cyfnod cyn yr Eisteddfod, mae Cyngor Sir Caerfyrddin, yr Eisteddfod Genedlaethol a Llywodraeth Cymru wedi bod yn hyrwyddo’r cyfleoedd masnachu sydd ar gael i fusnesau Sir Gaerfyrddin drwy gyfres o ddigwyddiadau
“Hoelio Sylw ar eich Busnes” gydag amrywiaeth eang o gyfleoedd caffael.
Yn ystod yr wythnos hon, bydd y sir yn croesawu tua 150,000 o ymwelwyr i’r ardal a fydd yn dathlu’r Gymraeg a diwylliant Cymru.
Mae partneriaid yr Eisteddfod wedi gweithio’n galed i ledaenu’r budd drwy weithio gyda masnachwyr lleol a defnyddio theatr newydd y Ffwrnes i gynnwys canol y dref yn yr ŵyl.
Mae rhaglen lawn o ddigwyddiadau drwy gydol yr wythnos ar safle’r Cyngor ar y Maes sef Pentre Cyngor Sir Gâr. Bydd y digwyddiadau’n dechrau am 10 o’r gloch bob dydd ar y Llwyfan ac yn yr Ardal Hamdden, cyn symud am 11.30 o’r gloch i’r Babell Hwyl a Dysgu.
Cafwyd Derbyniad y Cadeirydd ddoe (Dydd Sadwrn) yn cynnwys cyflwyno Tlws yr Eidalwyr, s’n cael ei gyflwyno bob blwyddyn i sir nawdd yr Eisteddfod Genedlaethol nesaf.
Cyflwynwyd y wobr i’r Eisteddfod yn 1986 gan gyn-garchororion rhyfel o’r Eidal i ddiolch i bobl Cymru am eu caredigrwydd yn ystod yr Ail Ryfel Byd
Croesawodd Chris Burns, Prif Weithredwr Cynorthwyol Cyngor Sir Gâr, bawb i’r Eisteddfod o’r Llwyfan Perfformio a chyflwynodd yr adloniant sef y delynores Ffion Morgan, Pump Heol, a’r gantores Ann Davies, Llanarthne.
Dywedodd Garry Nicholas, Llywydd Llys yr Eisteddfod bod pwyllgorau Lleol Sir Gaerfyrddin wedi pasio’r targed o godi £320,000 ac wedi codi £400,000, y swm gorau erioed yn yr Eisteddfod.
Dywedodd y Cyng. Daff Davies, Cadeirydd Cyngor Sir Caerfyrddin: “Pleser i mi yw estyn croeso cynnes iawn i bawb i’r Meysydd Gŵyl yn Llanelli ac i Eisteddfod Genedlaethol Sir Gâr.
“Dyma gyfle i ddathlu gwaith caled ein cymunedau a phwyllgorau ledled Sir Gâr sydd wedi dod at ei gilydd i groesawu’r ŵyl.
“Wrth deitho o gwmpas y sir rydyn ni wedi gweld y croeso cynnes sy’n disgwyl ymwelwyr o bob cwr o Gymru a phellach.”
Cyflwynodd Tlws yr Eidalwyr i’r Cyng. Arwel Jones, Cadeirydd ardal Maldwyn a’r Gororau, Cyngor Sir Powys, yr ardal sy’n croesawu’r Eisteddfod yn 2015.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
