Mae plant ysgol wedi bod yn brysur yn plannu coed ym Mharc Gwledig Pen-bre fel rhan o Ddathliadau Jiwbilî’r Frenhines.
Roedd disgyblion Ysgol Pen-bre wedi cydio mewn rhawiau yn lle’u pennau a’u pensiliau i blannu 70 o goed i nodi Jiwbilî Platinwm Ei Mawrhydi a menter Canopi Gwyrdd y Frenhines.
Mae menter Canopi Gwyrdd y Frenhines a grëwyd i ddathlu Jiwbilî Platinwm Ei Mawrhydi yn gwahodd pobl o bob rhan o’r Deyrnas Unedig i “Blannu Coeden ar gyfer y Jiwbilî” i anrhydeddu arweinyddiaeth y Frenhines o’r Genedl.
Dywedodd y Cynghorydd Gareth John, Aelod Cabinet Cyngor Sir Caerfyrddin dros Hamdden: “Roedd y plant wrth eu boddau yn plannu coed ac roedd yn gyfle iddynt ddysgu mwy am yr amgylchedd a sut y mae coed yn cyfrannu’n effeithiol at ein hinsawdd.”
Mae cymunedau ledled Sir Gaerfyrddin yn paratoi ar gyfer Gŵyl y Banc pedwar diwrnod ac mae rhywbeth i bawb ei fwynhau gan gynnwys partïon mewn parciau, te prynhawn a phicnic yn yr ardd.
I gael gwybod pa weithgareddau sy’n cael eu cynnal ar draws y sir ar gyfer Jiwbilî’r Frenhines, ewch i’r tudalennau Be sy ‘Mlaen ar wefan Darganfod Sir Gâr https://www.darganfodsirgar.com/
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
