Yn Sioe Amaethyddol Sir Benfro eleni ym mis Awst, dathlwyd 70 mlynedd ers sefydlu Parc Cenedlaethol Arfordir Penfro drwy arddangos gwaith amrywiol Awdurdod y Parc, gan gynnwys cadwraeth a mynediad at olygfeydd godidog o’r tir a’r arfordir drwy Lwybr Arfordir Penfro.
Roedd panel Hud y Dolydd, a gafodd ei greu gan yr artist lleol, Fran Evans, yn gyfle i ymwelwyr weld amrywiaeth eang o fflora a ffawna bioamrywiol lleol mewn cystadleuaeth, gyda’r enillydd yn cael ei ddewis i ennill gwobr o £25 a diwrnod i’r teulu yn un o safleoedd yr Awdurdod.
Cyflwynodd Cadeirydd yr Awdurdod, y Cynghorydd Di Clements, siec i’r enillydd, Katie Jennings, ym Mhentref Oes Haearn Castell Henllys.
Dywedodd y Cynghorydd Clements, “Roedd hi’n bleser cwrdd â Katie a’i theulu – mae’r gystadleuaeth, ymysg gweithgareddau eraill yn Sioe eleni a oedd yn cynnwys arddangosfa o wenyn, gwneud printiadau a chanhwyllau cŵyr i blant, a gweithgaredd hyfryd “enw’r blodyn gwyllt”, yn tynnu sylw at y bioamrywiaeth hynod o fregus a chymhleth sydd yn y Parc Cenedlaethol.
I gael rhagor o wybodaeth am Awdurdod y Parc Cenedlaethol, gan gynnwys gwybodaeth am raglenni ysgolion, cyfleoedd gwirfoddoli, gwybodaeth am gerdded, gwybodaeth am gynllunio a mwy, ewch i www.arfordirpenfro.cymru.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |