Mae rhoddion angladd er cof am Mrs. Olwen Ann Owen wedi codi £1,050 ar gyfer yr Uned Asesu Meddygol Acíwt (AMAU) yn Ysbyty Tywysog Philip.
Dywedodd Henry Owen, mab Mrs Owen: “Rydym yn falch iawn o allu rhoi’r arian hwn i’r Uned Asesu Meddygol Acíwt yn Ysbyty Tywysog Philip.
“Rydym yn ddiolchgar iawn i staff AMAU am y gofal gwych a roddwyd i’n mam cyn iddi farw yn anffodus ym mis Mai. Gobeithiwn y bydd y rhodd hon yn cael ei defnyddio i brynu dwy fainc yn yr ardal awyr agored gan AMAU er mwyn i gleifion a staff allu eistedd y tu allan.
“Hoffem ddiolch i bawb a fu mor garedig â rhoi rhodd er cof am ein mam annwyl.”
Meddai Rosemary Jones, Uwch Chwaer: “Hoffem ddiolch i deulu Mrs. Owen am y rhodd garedig a godwyd er cof amdani.
“Rwy’n siŵr y bydd cleifion a staff am flynyddoedd i ddod yn elwa o’u haelioni, ac rydym yn ddiolchgar bod y teulu wedi ein dewis ni fel buddiolwyr yr arian hwn. Diolch.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.elusennauiechydhyweldda.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |