Dawns elusennol wedi codi dros £3,000 ar gyfer yr Uned Asesu Meddygol Acíwt (AMAU) yn Ysbyty Tywysog Philip.
Trefnodd Katie Richards y ddawns ‘Dancing Through The Decades’, a oedd yn noson o fwyta, cerddoriaeth fyw a glits, er cof am ei Mam, Sandra Bradley.
Cynhaliwyd y digwyddiad yn y Ystafell Quinell ym Mharc y Scarlets, Llanelli ar ddydd Sadwrn 8fed Gorffennaf.
Dywedodd Katie: “Rwy’n falch iawn o allu rhoi’r arian hwn i’r Uned Asesu Meddygol Acíwt yn Ysbyty Tywysog Philip er cof am fy Mam.
“Roedd y ddawns yn llwyddiant ysgubol. Cafodd pawb amser mor anhygoel. Roedd yn werth chweil gweld faint o arian yr oeddem wedi’i godi. Byddwn yn bendant yn ystyried trefnu un arall.
“Mae’n deimlad gwych meddwl fy mod wedi chwarae rhan helpu i wella gwasanaeth i gleifion a’u teuluoedd.
“Diolch i fy ffrindiau a fy nheulu am gefnogi a mynychu.”
Dywedodd Rosemary Jones, Uwch Brif Nyrs: “Rydym yn hynod ddiolchgar am yr ymdrech y mae Katie wedi mynd iddi er mwyn codi arian i AMAU er cof am ei mam, Sandra Bradley. Rwy’n dychmygu bod trefnu dawns yn waith caled, ac mae’n deyrnged wych i’w Mam ei bod wedi rhoi cymaint o ymdrech. Roedd y noson yn llwyddiant ysgubol, diolch.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
