Mae Cyswllt Ffermio wedi ychwanegu modiwl ychwanegol at ei weithdy hyfforddi Iechyd a Lles Anifeiliaid a ariennir yn llawn.
Bydd ‘Cynyddu cynhyrchiant gwartheg sugno i’r eithaf’ yn cael ei gyflwyno o ddechrau mis Ebrill, gan ddod â chyfanswm y pynciau sydd ar gael ar hyn o bryd i 16.
Datblygwyd holl gynnwys cwrs Iechyd a Lles Anifeiliaid Cyswllt Ffermio ar y cyd â NADIS (y Gwasanaeth Gwybodaeth Cenedlaethol am Glefydau Anifeiliaid) a’i gyflwyno gan bractisau milfeddygol sy’n cymryd rhan ledled Cymru. Bydd y gweithdai rhyngweithiol ar gael naill ai mewn gweithdai grŵp wyneb yn wyneb rhanbarthol (a fydd yn para hyd at dair awr) neu ar-lein.
Mae Guy Tomlinson, o gwmni milfeddygol Daleside yng Ngogledd Ddwyrain Cymru, yn un o’r milfeddygon a fydd yn darparu’r hyfforddiant. Esboniodd Mr Tomlinson mai nod y modiwl newydd hwn yw helpu ffermwyr i ddeall economeg sylfaenol cynhyrchu gwartheg sugno fel y gallant nodi meysydd lle gellir gwella cynhyrchiant:
“Bydd ffermwyr yn dysgu sut i ddiffinio buwch sugno gynhyrchiol, y ffordd orau i gyflawni neu wella cynhyrchiant, a sut i osod targedau realistig.
“Y nod yw cael buwch sy’n dod yn gyflo’n hawdd, yn lloia’n rhwydd, yn magu llo iach ac yna’n beichiogi eto, gan gadw’n iach ac yn rhydd o afiechyd.
“Bydd pwyslais cryf yn cael ei roi ar ymwybyddiaeth o glefydau a’u hatal, yn ogystal â phwysigrwydd cadw cofnodion ar gyfer data ffrwythlondeb a lloia, fel bod gan ffermwyr y wybodaeth sydd ei hangen arnynt, a fydd yn ei dro yn cynorthwyo gyda phenderfyniadau cynhyrchu a rheoli,” meddai Mr Tomlinson.
Mae llawer o ffactorau’n effeithio ar allu buwch i gynhyrchu llo yn flynyddol. Nod y gweithdy hwn yw sicrhau bod ffermwyr yn deall effaith penderfyniadau bridio o fewn y fuches lawndwf, ac addasrwydd mathau a bridiau anifeiliaid ar gyfer eu system gynhyrchu eu hunain, yn ogystal â ffactorau eraill a all effeithio ar ffrwythlondeb.
Ystyrir pwysigrwydd dewis teirw a’u hiechyd, yn ogystal â chanllawiau ar ddewis heffrod cyfnewid, eu hiechyd cyffredinol a rheoli bridio.
I ddarganfod pa bractisau milfeddygol fydd yn cyflwyno’r modiwlau hyfforddi gwartheg sugno Iechyd a Lles Anifeiliaid hyn, ac am leoliadau a dyddiadau, ewch i’r adran sgiliau a hyfforddiant ar www.llyw.cymru/cyswlltffermio neu ffoniwch eich swyddog datblygu lleol.
Darperir Cyswllt Ffermio gan Menter a Busnes a Lantra Cymru ac mae’n cael ei ariannu gan Lywodraeth Cymru a Chronfa Amaethyddol Ewrop ar gyfer Datblygu Gw
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
