Mae Cyngor Sir Caerfyrddin yn chwilio am bobl frwdfrydig sy’n gadael y brifysgol i ymuno â’r rhaglen lwyddiannus i raddedigion ar gyfer 2023.
Gan adeiladu ar lwyddiant ysgubol ein rhaglen flaenorol i raddedigion, mae’r cynllun dwy flynedd hwn yn cynnig ystod o gyfleoedd cyffrous sy’n cyfuno profiad yn y swydd, datblygiad mewnol, a chymhwyster ôl-raddedig, er mwyn darparu cam cyntaf ardderchog tuag at yrfa lwyddiannus.
Mae’r cyfleoedd sydd ar gael yn cynnwys:
• Datblygwr Meddalwedd Graddedig
• Hyfforddai Graddedig Perfformiad a Busnes
• Syrfëwr Adeiladu Graddedig x 2
• Swyddog Perfformiad a Gwybodaeth Graddedig
• Hyfforddai Graddedig (Strategaeth a Pholisi Gwastraff)
• Swyddog Blaen-gynllunio (Hyfforddai Graddedig)
• Peiriannydd Sifil / Cynllunydd Cludiant Graddedig
• Hyfforddai Graddedig Datblygu a Gwella Gwasanaethau
Dywedodd y Cynghorydd Philip Hughes, yr Aelod Cabinet dros Drefniadaeth a’r Gweithlu: “Mae ein rhaglen lwyddiannus i raddedigion yn cynnig cyfleoedd cyffrous i’r rhai sy’n gadael y brifysgol gael profiad gwerthfawr a pharhau â’u haddysg mewn sefydliad deinamig a blaengar sy’n newid yn barhaus.
Rydym yn chwilio am unigolion brwdfrydig i ymuno â’n rhaglen, sy’n agored i bob oedran, a’n helpu i lunio a darparu gwasanaethau cyhoeddus gwell yn Sir Gaerfyrddin”.
I gael rhagor o wybodaeth neu i ymgeisio, ewch i sirgar.llyw.cymru/swyddi-graddedigion
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
