Diolch i roddion lleol, mae Elusennau Iechyd Hywel Dda wedi prynu stiliwr ymchwiliol newydd ar gyfer cleifion gastroenteroleg yn Ysbyty Glangwili.
Mae’r cit newydd, sy’n costio dros £4,600, yn stiliwr amledd is ar gyfer delweddu’r thoracs a’r abdomen.
Dywedodd Cyfarwyddwr yr Ysbyty a’r ymgynghorydd cardiaidd Dr Eiry Edmunds: “Bydd y darn hwn o offer yn helpu i alluogi cleifion â phroblemau afu i gael unrhyw hylif abdomen cronedig wedi’i ddraenio’n ddiogel ac yn effeithiol. Bydd yn lleihau faint o amser sydd ganddynt i aros am y driniaeth hon.”
Ychwanegodd Prif Nyrs yr Uned Ddydd Feddygol, Dawn Tapp: “Ein diolch i bawb. Mae’r stiliwr yn bendant wedi gwella gofal cleifion yn yr Uned Gofal Brys ar yr Un Diwrnod a’r Uned Ddydd Feddygol.”
Yn y llun, gwelir Prif Nyrs Iau Samantha Barrett gyda’r stiliwr newydd.
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi eich GIG lleol, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
