Yn dilyn gofyn sawl gwaith am wybodaeth, mae Cyngor Sir Caerfyrddin wedi derbyn cadarnhad ysgrifenedig gan y Swyddfa Gartref y prynhawn yma o’i chynllun i letya ceiswyr lloches yng Ngwesty Parc y Strade yn Llanelli o 3 Gorffennaf 2023.
Yn y cynllun a ddarparwyd gan y Swyddfa Gartref, sydd wedi cael ei anfon i Fwrdd Iechyd Hywel Dda, Heddlu Dyfed-Powys, a Gwasanaeth Tân Canolbarth a Gorllewin Cymru, bydd uchafswm o 207 o bobl, a fydd yn grwpiau teuluol, yn cael eu lletya mewn 77 o ystafelloedd.
Mae’r Cyngor Sir yn gadarn yn erbyn newid defnydd Gwesty Parc y Strade ac yn parhau i ymchwilio i’r sefyllfa gyfreithiol o ran y bwriad hwn.
Dywedodd y Cynghorydd Darren Price, Arweinydd Cyngor Sir Caerfyrddin: “Rwy’n credu ei fod yn warthus fod y bwriad hwn gan y Swyddfa Gartref i letya nifer fawr o geiswyr lloches yn mynd yn ei flaen. Hyd yn oed ar yr adeg hon, rwy’n galw ar berchnogion y gwesty, Sterling Woodrow, i ailfeddwl ac atal hyn rhag symud ymlaen.”
Dywedodd y Fonesig Nia Griffith, Aelod Seneddol: “Mae hyn yn destun pryder mawr a byddaf yn parhau i wrthwynebu unrhyw gynllun o’r fath yn gadarn dros ben, a chyfleu’n glir y gwrthwynebiad hynod gryf sydd ymysg pobl leol.”
Y Swyddfa Gartref sy’n gwneud y penderfyniad hwn ac felly dylid cyfeirio pob ymholiad i’r wasg at y Swyddfa Gartref drwy ffonio 0300 123 3535.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
