Mae tri aelod o staff o Ward Sunderland yn Ysbyty De Sir Benfro wedi herio naid am nawdd elusennol i godi arian ar gyfer y ward.
Cymerodd Bex, Tracy a Denise ran yn y naid am nawdd tandem elusennol yn Skydive Swansea ar 3 Mehefin 2023.
Codwyd £2,000 ar gyfer gweithgareddau i gleifion ar Ward Sunderland, ward adsefydlu â 40 gwely.
Dywedodd Rebecca Richards, Nyrs Arweiniol Clinigol – Ysbytai Cymunedol Sir Benfro: “Roedd y naid o’r awyr yn brofiad gwych i’r tri aelod o staff o Ward Sunderland.
“Rwyf mor falch ei fod wedi bod yn ddiwrnod heulog ac roeddem wedi gallu cyrraedd ein targed trwy ein tudalen JustGiving a rhoddion ariannol. Rydyn ni eisiau dweud diolch yn fawr iawn i bawb sydd wedi ein cefnogi.”
Dywedodd Nicola Llewelyn, Pennaeth Elusennau Iechyd Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
I gael mwy o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.elusennauiechydhyweldda.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
