Diolch i’ch rhoddion hael i Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, mae peiriant uwchsain cardiaidd newydd gwerth £73,500 wedi’i brynu ar gyfer Ysbyty Cyffredinol Bronglais yn Aberystwyth.
Mae’r peiriant newydd yn cynhyrchu delweddu uwchsain o’r galon, gan ddarparu gwybodaeth am swyddogaeth cardiaidd a falf y galon. Mae’n rhan bwysig o driniaeth ar gyfer llawer o gyflyrau, yn fwyaf arbennig ar gyfer cleifion â chlefyd cardiofasgwlaidd a chlefyd falf y galon, gan ddarparu gwybodaeth hanfodol ar gyfer rheoli clefydau.
Mae’r peiriant newydd yn disodli yr hen beiriant ac yn cyflwyno’r dechnoleg ddiweddaraf mewn peiriant lled-gludadwy.
Dywedodd Nerys James, Rheolwr Gwyddorau Gofal Iechyd y Galon ac Anadlol: “Mae peiriannau uwchsain cardiaidd yn hanfodol i alluogi diagnosis cyflym o glefydau cardiaidd. Ar hyn o bryd mae’r gwasanaeth yn darparu 35 o sganiau uwchsain brys, neu atseiniau, bob mis ar gyfartaledd ar gyfer cleifion mewnol, a 108 arall ar gyfer cleifion allanol.
“Diolch i’r peiriant newydd, byddwn yn gallu cefnogi cynlluniau i gynyddu capasiti eco yn Ysbyty Bronglais a sicrhau bod yr offer a ddefnyddiwn o safon diagnostig uchel iawn.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
