Mae Dwsin, grŵp o 12 o ferched o ardal Llanelli sy’n trefnu digwyddiadau i godi arian at elusennau lleol, wedi codi £2,420 ar gyfer yr Uned Gofal Arbennig i Fabanod (SCBU) yn Ysbyty Glangwili.
Cynhaliodd y grŵp de prynhawn ar 3 Mehefin 2023 yng Nghanolfan Gymunedol Llangennech yn Llanelli i godi arian.
Dywedodd Fiona Lloyd-Jones, aelod o Dwsin: “Fe wnaethon ni drefnu te prynhawn gyda prosecco yn ystod digwyddiad rasio ceffylau ar y teledu.
“Roedd yn ddiwrnod ardderchog a chawsom gymaint o hwyl. Mwynheuon ni i gyd yn fawr a chodwyd swm da o arian.
“Roedd gan un o’n haelodau ffrind yr oedd ei wyres wedi treulio peth amser yn yr SCBU yng Nghaerfyrddin a gofynnodd i ni drefnu un o’n digwyddiadau i roi i’r uned hon.
“Diolch i holl ferched y Dwsin a’n cefnogwyr.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
