Mae Sam Faulkner yn herio ei hun i gerdded 87,000 o gamau mewn un diwrnod i godi arian ar gyfer yr Uned Gofal y Galon yn Ysbyty Llwynhelyg er cof am ei dad.
Bydd Sam yn cerdded ar hyd Camlas Aberhonddu a Mynwy o Aberhonddu i Dŷ-du yng Nghasnewydd.
Dywedodd Sam: “Ers colli fy Nhad y llynedd, fe wnes i ymrwymiad personol i wneud rhywbeth i godi arian bob blwyddyn i’r Uned Gofal y Galon yn Ysbyty Llwynhelyg yn Hwlffordd a oedd yn gofalu mor dda am fy Nhad yn ei ddyddiau olaf.
“Byddaf yn herio fy hun i gwblhau 87,000 o gamau mewn diwrnod ar 20 Gorffennaf 2024 – 1,000 o gamau ar gyfer pob blwyddyn o fywyd fy nhad. Byddaf yn cerdded tua 40 milltir mewn tua 10 awr.
“Roedd teithiau camlas bob amser yn ffefryn mawr gen i a fy Nhad, gyda llawer o ddyddiau wedi’u treulio yn cerdded ar hyd y Grand Union yn Swydd Northampton pan oeddwn i’n tyfu i fyny.
“Byddai fy nheulu a minnau, a’r uned yn yr ysbyty, yn hynod ddiolchgar am unrhyw beth y gallai cefnogwyr ei roi. Diolch yn fawr iawn ymlaen llaw.”
Dywedodd Katie Hancock, Swyddog Codi Arian Sir Benfro: “Hoffem ddweud pob lwc i Sam gyda’i her. Diolch yn fawr iawn am neilltuo eich amser i godi mwy o arian ar gyfer yr Uned Gofal y Galon.
“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
Gallwch gyfrannu at godwr arian Sam yma: https://www.justgiving.com/page/sam-faulkner-1712508280259?newPage=true&fbclid=IwAR2tyVVQVea0DLQelSsrp7Ie2CKjX0jXGnwndR_tBKL-Av2kv8f5nchEolw
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
