Mae disgyblion o Ysgol Pen Rhos yn Llanelli yn cael eu cyflwyno i fyd ynni adnewyddadwy a chadwraeth forol diolch i fyd ‘Her Ynni Gwynt ar y Môr’ Minecraft Education – cydweithrediad rhwng Ystad y Goron a Microsoft UK.
Ar gael yn y Gymraeg a’r Saesneg, mae’r byd Minecraft Education yn helpu disgyblion i gael dealltwriaeth ddyfnach o newid hinsawdd a’r amgylchedd naturiol, ac yn eu hannog i archwilio gyrfaoedd mewn peirianneg, cynaliadwyedd a chadwraeth – a’r cyfan wrth gynllunio ac adeiladu eu fferm wynt alltraeth eu hunain i bweru pentref arfordirol!
A nawr, mae byd ‘Her Ynni Gwynt ar y Môr’ Minecraft Education wedi cael hwb gydag adnoddau dysgu ychwanegol wedi’u hanelu at ddysgwyr iau sy’n cyd-fynd â chwricwlwm Cymru, a chynlluniau gwersi ar gyfer athrawon i’w helpu i ddefnyddio’r dysgu yn eu hystafelloedd dosbarth.
Fel rhan o’u ffocws ar ddatblygu sgiliau i gefnogi’r trawsnewidiad ynni i fyfyrwyr ledled Cymru, mae Ystad y Goron wedi uno â’r arbenigwyr addysgol, Dosbarth, a greodd y deunyddiau dysgu newydd ac sy’n cyflwyno gwersi rhagflas mewn ysgolion ledled Cymru, gan gynnwys i ddisgyblion blwyddyn 6 yn Ysgol Pen Rhos.
Mae ynni adnewyddadwy yn ddiwydiant sy’n tyfu yng Nghymru ac mae cenhedlaeth newydd o ffermydd gwynt alltraeth arnofiol yn cael eu sefydlu yn y Môr Celtaidd drwy gyfrwng cylch prydlesu gwely’r môr presennol Ystad y Goron. Gellid datblygu ffermydd gwynt alltraeth arnofiol newydd sy’n gallu cynhyrchu hyd at 4.5GW o drydan – digon i bweru mwy na phedair miliwn o gartrefi – ac mae ymchwil annibynnol yn awgrymu y gallai’r prosiectau hyn fod werth hyd at £1.4bn i economi’r DU a chreu 5,300 o swyddi. *
Dywedodd Rebecca Williams, Cyfarwyddwr y Cenhedloedd Datganoledig yn Ystad y Goron:
“Mae hwn yn gydweithrediad cyffrous sy’n dod â chynnwys addysgol newydd i ysgolion drwy’r gêm sydd wedi gwerthu orau erioed, Mae’r byd Minecraft Education hwn yn rhoi ffordd hwyliog i fyfyrwyr ac athrawon archwilio’r cyfleoedd a’r heriau sydd ynghlwm wrth drosglwyddo ein hegni wrth warchod ac adfer ein hamgylchedd naturiol, trwy’r ieithoedd sydd fwyaf perthnasol iddyn nhw.
“Mae Ystad y Goron wedi ymrwymo i greu partneriaethau a dod â phobl ynghyd i gael effaith gadarnhaol. Gobeithiwn y bydd y fenter hon yn ysbrydoli pobl ifanc i ddatblygu eu sgiliau a’u hangerdd a’u cyflwyno i rai o’r cyfleoedd am yrfaoedd gwyrdd mewn ynni adnewyddadwy.”
Dywedodd Karen Jones, Rheolwr Gyfarwyddwr Dosbarth:
“Trwy greu deunyddiau dysgu newydd ar gyfer cynulleidfaoedd iau, sy’n cyd-fynd â chwricwlwm Cymru a chynlluniau gwersi hygyrch i athrawon prysur, credwn y bydd yr adnoddau hyn yn y Gymraeg a’r Saesneg yn cyrraedd cynulleidfa fwy fyth o ddisgyblion ledled Cymru, gan helpu i ysbrydoli’r genhedlaeth nesaf o feddylwyr, datryswyr problemau ac arweinwyr amgylcheddol.”
Dywedodd Lee Waters AS, Aelod o’r Senedd dros Llanelli:
“Mae hon yn fenter wych sy’n dod ag ynni adnewyddadwy, sgiliau digidol, a’r Gymraeg a’r cwricwlwm ynghyd mewn ffordd ddifyr a hygyrch. Bydd yr Her Ynni Gwynt ar y Môr yn helpu i ysbrydoli’r genhedlaeth nesaf i archwilio gyrfaoedd mewn cynaliadwyedd, peirianneg, a chadwraeth—diwydiannau a fydd yn hanfodol i economi Cymru yn y dyfodol.”
|
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
It’s thrilling to observe how Minecraft Education is utilized to instruct Welsh students on offshore wind energy and sustainability in such an engaging manner. It makes me think about how digital educational resources can change learning—makes you desire to pay someone to take my online accounting class for me to experience learning this way.