Mae A&B Plant & Tool Hire, busnes teuluol sydd wedi’i leoli yn Llanwrda, Sir Gaerfyrddin, wedi cyhoeddi y bydd yn codi arian ar gyfer gwasanaeth Gofal Lliniarol Bwrdd Iechyd Prifysgol Hywel Dda yn Sioe Frenhinol Cymru eleni.
Bydd y cwmni’n cynnal raffl elusennol arbennig yn ei stondin er cof am Alun Rees Thomas – “Alun A&B.”
Roedd Alun, a fu farw ym mis Medi 2024 yn dilyn brwydr ddewr yn erbyn canser, yn ffigur annwyl yn y gymuned leol ac yn gefnogwr angerddol o achosion elusennol.
Dywedodd Beryl Thomas, gwraig Alun: “Eleni, roedd ein teulu a thîm A&B eisiau anrhydeddu gwaddol Alun trwy godi arian ar gyfer tîm Gofal Lliniarol Hywel Dda, a gefnogodd Alun a ni yn ystod ei fisoedd olaf.
“Ein nod yw codi £5,000 er cof am Alun. Roedd yn angerddol am roi yn ôl, ac rydym yn falch o barhau â’r traddodiad hwnnw yn ei enw.”
Bydd Raffl Gofal Lliniarol Hywel Dda 2025 yn cael ei dynnu’n fyw ar stondin A&B Plant & Tool Hire ddydd Iau 24 Gorffennaf yn Sioe Frenhinol Cymru. Anogir ymwelwyr i alw heibio i’r stondin i gymryd rhan yn y raffl, mwynhau gemau, a dysgu mwy am wasanaethau’r cwmni ac ymdrechion cymunedol.
Mae’r gwobrau raffl yn cynnwys:
- Gwobr Gyntaf: Bwndel Gardd Husqvarna Aspire (peiriant torri gwair awtomatig, Strimiwr a Thorrwr Gwrychoedd)
- 2il Wobr: Chwipolchwr Kranzle 2160 TST
- 3ydd Wobr: Pecyn Dillad Amddiffynnol Husqvarna
Bydd yr holl elw yn mynd yn uniongyrchol i Elusennau Iechyd Hywel Dda, gan gefnogi gwasanaethau Gofal Lliniarol ledled y rhanbarth.
Dywedodd Katie Hancock, Swyddog Codi Arian yn Elusennau Iechyd Hywel Dda: “Hoffem ddiolch yn fawr iawn i A&B Plant & Tool Hire am gefnogi’r tîm Gofal Lliniarol mor garedig er cof am Alun.
“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn hynod ddiolchgar am bob rhodd a dderbyniwn.”
I gyfrannu at ymgyrch codi arian A&B Plant & Tool Hire, ewch i: https://www.justgiving.com/page/abplanthire?utm_medium=FR&utm_source=CL&utm_campaign=019
I brynu tocynnau raffl, ffoniwch 01558 650536 neu ewch i stondin A&B Plant & Tool Hire (rhif 439D) yn Sioe Frenhinol Cymru a gynhelir ddydd Llun 21ain – dydd Iau 24ain Gorffennaf 2025.
Am ragor o fanylion am yr elusen a sut allwch chi helpu i gefnogi cleifion a staff lleol y GIG, ewch iwww.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
