Mae disgwyl i athletwr o Sir Benfro gwblhau triathlon anodd ar ran Elusennau Iechyd Hywel Dda, at achos y mae’n “anrhydedd” ei gefnogi.
Mae Mathew Terry yn ymgymryd â Phenwythnos Cwrs Hir Cymru eleni i godi arian ar gyfer Gwasanaethau Canser, Ceredigion, er cof am ei ffrind gorau Rhian Mason.
Yn anffodus, bu farw Rhian yn 42 oed o ganser, ond cafodd “ofal gwych” gan y tîm yn Ysbyty Bronglais yn Aberystwyth yn gynnar yn ei diagnosis.
Bydd Mathew yn cystadlu mewn nofio 2.4 milltir, ac yna taith feicio 112 milltir ac yna marathon, yn enw Rhian.
Dywedodd: “Derbyniodd Rhi ofal eithriadol gan yr Adran Gwasanaethau Canser yn Ysbyty Bronglais. Mae’r tosturi, y proffesiynoldeb a’r gefnogaeth maen nhw’n eu darparu i gleifion a theuluoedd ar yr adegau anoddaf yn wirioneddol ysbrydoledig.
“Fe wnaethon nhw helpu Rhi i lywio camau cynnar ei chanser gyda charedigrwydd, proffesiynoldeb a gofal gwych.”
Ychwanegodd: “Mae’n fraint go iawn cymryd rhan yn mhenwythnos Cwrs Hir er cof amdani, ac i godi arian i helpu i sicrhau bod y tîm anhygoel hwn yn gallu parhau i gefnogi eraill pan fydd ei angen arnynt fwyaf.”
Dywedodd Tara Nickerson, Rheolwr Codi Arian ar gyfer Elusennau Iechyd Hywel Dda: “Rydym mor ddiolchgar am gefnogaeth Mathew. Mae’n fraint go iawn ei fod wedi dewis cystadlu ar ran ein helusen a’r gwaith pwysig y mae’r Gwasanaethau Canser yn ei wneud.
“Nid yw’r rhoddion elusennol hael rydyn ni’n eu derbyn yn disodli cyllid y GIG. Yn hytrach, fe’u defnyddir i ddarparu eitemau a gweithgareddau uwchlaw a thu hwnt i wariant craidd y GIG, megis amgylchedd mwy croesawgar i gleifion, teuluoedd a staff, ac ymchwil i driniaethau a datblygu.”
Mae Penwythnos Cwrs Hir Cymru yn digwydd ar 26-28 Mehefin 2026.
I gael rhagor o fanylion am yr elusen a sut y gallwch helpu i gefnogi cleifion a staff lleol y GIG, ewch i https://elusennauiechydhyweldda.gig.cymru/
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
