Diolch i roddion, mae Elusennau Iechyd Hywel Dda wedi gallu prynu rhai dodrefn newydd ar gyfer meddygon iau sy’n byw ar safle Ysbyty Glangwili.
Mae teledu, bwrdd pŵl a byrddau patio a chadeiriau wedi’u darparu ar gyfer yr ardaloedd cymunedol yn y fflatiau ar gyfer meddygon ar y Rhaglen Sylfaen.
Dywedodd Rhiannon Taylor, Cydlynydd y Rhaglen Sylfaen yn y Ganolfan Addysg Feddygol: “Mae’r meddygon wedi gweithio’n ddiflino drwy gydol y pandemig a bydd yr eitemau hyn yn eu helpu i ymlacio pan nad ydynt ar ddyletswydd a hybu eu hiechyd a’u lles.
“Bydd y bwrdd pŵl a’r teledu yn eu helpu i ymlacio, a bydd y byrddau bistro a’r cadeiriau ar gyfer yr ardal patio fach y tu allan yn galluogi’r meddygon iau i eistedd y tu allan a chael rhywfaint o awyr iach.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
