Mae Hayden Dental wedi gwneud y penderfyniad anodd i ddychwelyd eu contractau Gwasanaethau Deintyddol Cyffredinol (GIG) i Fwrdd Iechyd Prifysgol Hywel Dda (BIP) ar 31 Rhagfyr 2023.
Bydd hyn yn golygu na fydd y Practis yn darparu gofal deintyddol GIG o 1 Ionawr 2024 ymlaen.
Fodd bynnag, hyd at yr amser hwnnw, bydd y practis yn darparu unrhyw ofal brys sydd ei angen ar gleifion tan 1 Rhagfyr 2024 a bydd yn sicrhau bod unrhyw driniaeth a ddechreuwyd cyn y dyddiad hwnnw yn cael ei chwblhau.
Bydd y Bwrdd Iechyd yn rhoi gwybodaeth i gleifion a oedd wedi derbyn gofal deintyddol GIG yn flaenorol gan Hayden Dental, Caerfyrddin am eu gofal parhaus, a’r opsiynau sydd ar gael iddynt tra bod y Bwrdd Iechyd yn gweithio i ddod o hyd i Ddarparwr Gwasanaeth newydd ar gyfer yr ardal.
Dywedodd Jill Paterson, Cyfarwyddwr Gofal Sylfaenol, Cymunedol a Gofal Hirdymor ar gyfer Bwrdd Iechyd Prifysgol Hywel Dda: “Hoffai’r Bwrdd Iechyd ddiolch i gleifion am y cymorth y maent wedi’i roi i’r Practis dros y blynyddoedd a gwerthfawrogi’r effaith y bydd hyn yn ei chael ar y boblogaeth leol.
“Mae’r Bwrdd Iechyd yn gweithio i ddod o hyd i ateb hirdymor sy’n sicrhau’r gwasanaeth pwysig hwn i’r ardal cyn gynted â phosibl.”
Ar ôl i gontractau’r GIG ddod i ben, dylai cleifion sy’n dioddef poen deintyddol gysylltu â 111 i gael apwyntiad mynediad brys sydd ar gael 7 diwrnod yr wythnos.
Gall cleifion sy’n glaf GIG sy’n gysylltiedig â Hayden Dental gysylltu â’r Bwrdd Iechyd trwy e-bostio HDHB.Dental.hdd@wales.nhs.uk neu drwy ffonio 0300 303 8322 estyniad 4 i’w roi ar restr gadw ar gyfer y practis newydd unwaith y bydd y gwasanaeth yn ei le.
Gofynnwn i gleifion ymatal rhag galw Practisau Deintyddol amgen yn yr ardaloedd ar hyn o bryd, gan fod y Practisau hyn yn profi nifer llethol o alwadau.
I gael gwybodaeth am sut y gallwch gael mynediad at ofal deintyddol y GIG mewn practis arall, ewch i biphdd.gig.cymru/gofal-iechyd/gwasanaethau-a-thimau/deintyddol neu cysylltwch â’r Tîm Gwasanaethau Deintyddol ar HDHB.Dental.hdd@wales.nhs.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
