Diolch i roddion, mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi ariannu seddi newydd gwerth dros £2,000 ar gyfer ystafell y teulu yn Ward Angharad, ward y plant yn Ysbyty Bronglais.
Bydd y dodrefn newydd yn sicrhau bod rhieni ac aelodau’r teulu yn gyfforddus yn ystod eu harhosiad ar Ward Angharad.
Dywedodd Bethan Hughes, Uwch Brif Nyrs: “Rydym yn ddiolchgar iawn bod cronfeydd elusennol wedi caniatáu i ni brynu’r seddi newydd ar gyfer ein hystafell deulu.
“Bydd y dodrefn newydd yn gwella’r cyfleusterau rydyn ni’n eu darparu i gleifion ac aelodau o’u teuluoedd yn ogystal ag amgylchedd a phrofiad y ward.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
