Ar ôl bod yn sâl iawn ar ôl i’w pendics fyrstio, penderfynodd Sara Hicks godi arian ar gyfer y GIG lleol, i ddweud diolch i’r staff yn Ysbyty Glangwili.
Gofynnodd Sara, 51, rheolwr swyddfa, sy’n byw yn Saundersfoot, i ffrindiau a theulu roi arian yn lle prynu blodau, gan ddweud bod ei bywyd yn ddyledus i’r GIG.
“Deialais 999 yn yr oriau mân mewn poen dirdynnol,” meddai Sara. “Cyrhaeddodd parafeddygon yn fuan gan fy nghludo i Ysbyty Glangwili, a bu’rn rhaid stopio i roi rhywfaint o morffin i mi, gan nad oeddwn i wir yn ymdopi’n dda â’r tyllau yn y ffordd!
“Cefais ofal gan dîm o nyrsys a meddygon ifanc a oedd i gyd mor garedig a thosturiol a cefais lawdriniaeth y prynhawn hwnnw, er ei bod yn ddydd Sul.
“Roeddwn i mewn am oddeutu wythnos ac wedi profi ansawdd gofal heb ei ail, ac yn ystod cyfnod o heriau COVID. Roedd y nyrsys a’r meddygon i gyd yn anhygoel.
“Cefnogwch eich GIG. Fe wnaethant achub fy mywyd a byddant yn parhau i achub llawer mwy bob dydd. ”
Gallwch gyfrannu at ymgyrch Sara yma: www.gofundme.com/f/better-than-a-bunch-of-flowers-thank-you-nhs
Dywedodd Nicola Llewelyn, Pennaeth Elusennau Iechyd Hywel Dda: “Hoffem ddiolch i Sara, am ei ymdrech codi arian, a’i geiriau a’i chefnogaeth garedig. Mae’n dda clywed ei bod hi’n gwella.
“Mae codwyr arian fel Sara yn gwneud gwahaniaeth enfawr i fywydau cleifion a staff y GIG yn Sir Gaerfyrddin, Ceredigion a Sir Benfro.
“Os hoffai pobl gyfrannu at Elusennau Iechyd Hywel Dda, gallant wneud hynny yma: https://www.justgiving.com/hywelddahealthcharities.”
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
