Mae dau ffrind gorau wyth oed o Bontyberem wedi codi £2,110 i Ysbyty Glangwili.
Roedd Macsen Harris ac Elis Eynon yn rhedeg milltir y dydd am 28 diwrnod yn y parc lleol oherwydd eu bod eisiau cefnogi eu gwasanaeth iechyd lleol yn ystod y pandemig COVID-19.
Fe wnaethant redeg mewn glaw, rhew a hyd yn oed eira, ac roeddent yn benderfynol o gwblhau’r her.
Dywedodd Macsen: “Penderfynais redeg milltir y dydd am 28 diwrnod ar gyfer Elusennau Iechyd Hywel Dda oherwydd roeddwn i eisiau helpu pobl leol trwy COVID.”
Dywedodd Elis ei fod eisiau helpu ei ffrind gorau Macsen gyda’i ymgyrch , “a chodi rhywfaint o arian i ddweud diolch yn fawr am yr holl waith caled y mae’r staff wedi’i wneud ac y parhau i wneud gyda’r COVID a hefyd oherwydd bod yn rhaid i’m chwaer ymweld â’r ysbyty yn rheolaidd i gael ei harchwiliadau.”
Meddai Caryl: “Roedd Ysbyty Glangwili yn falch iawn o dderbyn siec a gyflwynwyd gan Macsen Harries ac Elis Eynon.
“Ar ôl cael ei ysbrydoli gan y Capten Tom Moore, penderfynodd Macsen ei fod eisiau gwneud rhywbeth tebyg a chodi arian i helpu pobl yn ystod y pandemig. Trefnodd i redeg milltir y dydd ac roedd yn gobeithio codi cwpl o gannoedd o bunnoedd.
“Ymunodd ei ffrind Elis â’r her fel ffordd o helpu ac i dreulio rhywfaint o amser cymdeithasol gyda’i ffrind.
“Maen nhw wedi codi cryn dipyn o arian ac mae’n debyg eu bod yn chwilio am eu her nesaf yn barod. Diolch Macsen a Elis.”
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
