Yn ymateb i’r digwyddiadau yn Afghanistan ac mewn datganiad ar y cyd, dywedodd ASau Plaid Cymru, Liz Saville Roberts AS, Hywel Williams AS a Ben Lake AS,
“Ar ôl ugain mlynedd, collwyd dros chwarter miliwn o fywydau sifiliaid, dadleoli miloedd, 457 o filwyr Prydain wedi marw – gyda llawer mwy gartref yn dioddef o anafiadau meddyliol a chorfforol oherwydd y rhyfel chwerw hwn, mae’r byd yn edrych mewn arswyd ar y trychineb sydd yyn datblygu yn Afghanistan. Bydd y goblygiadau i ddinasyddion Afghanistan yn erchyll – yn anad dim i ferched a merched sydd, yn ôl adroddiadau, eisoes yn cael gwrthod mynediad i addysg, gwaith, rhyddid sylfaenol a hawliau sifil gyda chyfyngiadau creulon a llym yn cael eu gosod arnyn nhw.
“Mae gan Lywodraeth y DU gyfrifoldeb i ddarparu lloches i’r holl bobl o Afghanistan a wasanaethodd ochr yn ochr â lluoedd Prydain sydd bellach mewn perygl o gael eu targedu gan y Taliban, gan gynnwys dehonglwyr, y rhai sydd wedi’u hyfforddi fel lluoedd arbennig, a’r bobl hynny a sefydlodd ysgolion ar gyfer merched ac wedi helpu cyrff anllywodraethol. Rhaid iddynt hefyd drefnu fisas ar frys ar gyfer y 35 hynny sydd i fod i ddechrau ysgoloriaethau ym mhrifysgolion y DU o fewn wythnosau ond sydd bellach wedi cael gwybod bod eu lleoedd wedi’u hatal oherwydd na ellir trefnu eu fisâu mewn pryd.
“Rydym yn annog Llywodraeth y DU a’r gymuned ryngwladol i beidio â throi eu cefnau ac yn hytrach parchu eu rhwymedigaethau a phwyso ar unrhyw lywodraeth yn Affganistan yn y dyfodol i amddiffyn a chynnal enillion cynyddol a wneir mewn cyfiawnder ac addysg.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
