Mae’r codwr arian Gwyndaf Lewis o Efailwen, a gododd £37,000 enfawr y llynedd ar gyfer Ysbyty Glangwili er cof am ei fam, Undeg, ar ôl iddi farw yn anffodus o COVID-19, wedi gwisgo ei siorts rhedeg eto i godi mwy o arian.
Y tro hwn, roedd Gwyndaf, 26, yn rhedeg ac yn beicio 96 milltir mewn tri diwrnod, o amgylch holl glybiau CFfl yn Sir Benfro, gan godi £2,258 a rannwyd rhwng yr Uned Gofal Dwys yn Ysbyty Glangwili a’r CFfl.
Yn gyfan gwbl, mae Gwyndaf wedi codi £38,388 anhygoel i’r Uned Gofal Dwys yn ystod y 12 mis diwethaf er cof am ei fam, a oedd yn ddim ond 59 oed.
Gwelir Gwyndaf yn cyflwyno siec o £1,043.63 I Brif Nyrs Tammy a Nyrs Caitlin Cadwalder.
Dywedodd Gwyndaf: “ Bob blwyddyn, rydw i’n ymgymryd â nifer o heriau i godi arian mawr ei angen ar gyfer wahanol elusennau sy’n agos at fy nghalon.
“Y tro hwn, gosodais yr her i mi fy hun o feicio a rhedeg o amgylch 12 clwb CFfl Sir Benfro.
“Rydw i mor falch fy mod i wedi codi cymaint o arian ar gyfer yr Uned Gofal Dwys yn Glangwili, lle rhoddodd y staff ofal mor dda i’m mam.
“Mae hon yn gymuned mor ofalgar rydyn ni’n byw ynddi, Efailwen a Chrymych gerllaw. Mae’r gefnogaeth a gefais wedi bod yn anghredadwy.”
Dywedodd y Brif Nyrs Tammy Bowen, o’r ICU yn Ysbyty Glangwili: “Hoffem ddiolch I Gwyndaf am ei holl weithgareddau codi arian anhygoel dros y flwyddyn ddiwethaf. Bydd yr arian y mae wedi’i godi yn helpu tuag at gyllid i’r cleifion yn ITU. Ni allwn ddiolch digon iddo am ei haelioni a’i ymdroddiad.”
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
