Mae swyddogion Safonau Masnach Cymru yn Sir Fynwy wedi ailuno Diva â’i pherchnogion – wyth mis ar ôl iddi gael ei dwyn o Wigan.
Gwnaeth Swyddogion Trwyddedu Anifeiliaid adnabod y Daschund lelog a than yn ystod gwiriadau cyn-trwyddedu ar ôl derbyn cais i fridio cŵn.
Ddydd Mercher, 26 Ionawr, cyflwynwyd gwŷs gan yr Heddlu yn yr eiddo dan sylw. Roedd hi wedi cael ei dwyn o gar pan oedd hi’n ast fach bedwar mis oed ym mis Mai 2021.
Roedd Swyddogion yn cyflawni gwiriadau yn ôl eu trefn cyn archwiliad, fel rhan o raglen well sydd â gwiriadau bridio ychwanegol ac a noddir gan Brosiect Gorfodi Llywodraeth Leol Llywodraeth Cymru.
Gwnaeth gwiriad microsglodyn cyn-ymgeisio ddarganfod fod yr ast, yr oedd y bridiwr yn ei galw’n “Mrs Blue”, yn un a oedd wedi cael ei hadrodd o fod wedi ei dwyn fisoedd ynghynt. Mae Heddlu Gwent wedi agor archwiliad o dan Ddeddfau Dwyn.
Dywedodd Gareth Walters, Arweinydd Strategol dros Iechyd Anifeiliaid, Safonau Masnach Cymru,: “Mae’r fasnach cŵn bach a chŵn wedi cynyddu dros yr ychydig flynyddoedd diwethaf ac mae hyn yn dangos yr angen am archwiliadau a gweithredu’r orfodaeth briodol. Rwyf wrth fy modd fod yr ast hon wedi ei hailuno â’i pherchennog cywir. Mae Safonau Masnach ledled Cymru yn parhau i weithio’n ddiwyd i sicrhau bod bridwyr cŵn yn cadw at y rheolau.”
Dywedodd Zoe Phillips, Swyddog Arwain ar gyfer y Prosiect Bridio Cŵn: “Mae Diva wedi ei dychwelyd at ei pherchnogion mewn aduniad emosiynol a ddaeth â deigryn i lygaid ein swyddogion hyd yn oed. Mae hwn yn ganlyniad ffantastig i’r tîm ac rydym ni mor falch fod y microsglodyn wedi adnabod yr ast goll hon.”
Mae Safonau Masnach yn cynghori holl berchnogion cŵn i sicrhau bod gwybodaeth microsglodyn yn gyfredol ac maen nhw’n annog unrhyw un sy’n ddrwgdybus am fridiwr cŵn i roi gwybod am y mater ar unwaith gan ddefnyddio Crime Stoppers 0800 555 111
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
