Mae MamGu Welshcakes yn cynnal digwyddiad codi arian sgwrsio cyflym yn y gymuned i godi arian ar gyfer y Gwasanaeth Iechyd Meddwl Plant a’r Glasoed (sCAMHS) arbenigol yng Ngogledd Sir Benfro.
Bydd y digwyddiad, “CWTCH 4 sCAMHS” yn cael ei gynnal yng Nghaffi MamGu, Solfach ar Chwefror 18fed.
Mae’r digwyddiad yn caniatáu i fynychwyr gwrdd ag aelodau eraill o’u cymuned wrth fwynhau detholiad gwych o goctels a phice ar y maen gyda sgyrsiau fel arfer yn gyfyngedig i lai na pum munud.
Mae’r tocynnau ar gyfer y digwyddiad yn £10 yr un, a thocynnau raffl yn £5 sy’n cynnwys gwobrau anhygoel fel arhosiad 3 noson yn Galwad y Môr, Gwersylla i 6 yn Celtic Camping & Bunkhouse Accommodation a thaleb £40 ar gyfer TYF Adventure.
Dywedodd Thea Noble, cydberchennog MamGu Welshcakes: “Bydd y digwyddiad yn annog aelodau o’n cymuned i siarad a dysgu oddi wrth ei gilydd, mewn ffordd hwyliog dros ben.”
Dywedodd Katie Hancock, Swyddog Codi Arian Elusennau Iechyd Hywel Dda: “Rydym wrth ein bodd bod MamGu Welshcakes wedi dewis codi arian ar gyfer sCAMHS. Bydd eu digwyddiad Cwtch for sCAMHS yn ddigwyddiad gwych i’r gymuned leol. Diolch enfawr i’r holl dîm yn MamGu’s. “
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
