Mae Seren Cole a’i theulu wedi codi swm gwych o £2,640 i Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda.
Ar ôl mynd yn ddifrifol wael ym mis Rhagfyr 2022 a chael triniaeth ar gyfer niwmonia, streptococws A, ffliw a sepsis, sefydlodd Seren dudalen GoFundMe gyda’i theulu i godi arian ar gyfer yr Uned Gofal Dwys (ICU), yr Uned Penderfyniadau Clinigol Acíwt (ACDU) a Gofal Brys yr Un Diwrnod (SDEC) yn Ysbyty Llwynhelyg.
Dywedodd Seren: “Gofal parhaus ac ymroddiad y staff yn Ysbyty Cyffredinol Llwynhelyg yw’r rheswm fy mod yn dal yma heddiw, ac ni allai fynegi dyfnder ein diolch.
“Gobeithio y bydd yr arian a’r rhoddion yn mynd tuag at ddarparu rhywfaint o seibiant haeddiannol i staff a chysur i gleifion.”
Dywedodd Katy Coates, Uwch Brif Nyrs ar ACDU: “Ar ran yr holl unedau hoffem ddiolch yn fawr iawn i Seren a’i theulu a’i ffrindiau am godi arian a phrynu eitemau i gefnogi cleifion a staff ar yr unedau. Roedd yn garedig iawn ohonoch ac yn cael ei werthfawrogi’n fawr gennym ni i gyd.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
