Bydd sesiynau’n cael eu cynnal ar y safleoedd canlynol fis nesaf:
Glannau Dyfrdwy: Dydd Mercher 5 Mehefin – 5pm-7pm
Iâl, Wrecsam: Dydd Iau 6 Mehefin – 5pm-7pm
Ffordd y Bers: Wrecsam – Dydd Iau 6 Mehefin – 5pm-7pm
Mae’r coleg wedi cynnal llu o weithgareddau eleni – sydd â safleoedd yn Llaneurgain a Llysfasi hefyd. Aeth llawer o bobl i’r digwyddiadau, gan gynnwys pobl a oedd yn gobeithio ail-addysgu a dysgu sgiliau newydd, neu’r rhai oedd yn cynllunio newid gyrfa, rhai oedd eisiau hobi newydd, neu eisiau datblygu yn eu swydd bresennol.
Dywedodd y Pennaeth, Sue Price: “Mae ein digwyddiadau agored arferol yn llwyfan wych i oedolion o bob oed yn y Gogledd Ddwyrain ac ardaloedd eraill i archwilio cyfleoedd newydd ar gyfer twf personol a phroffesiynol.
“Mae yna ddewis eang o gyrsiau rhan-amser a rhaglenni ar gael, sy’n berffaith ar gyfer unrhyw un sydd eisiau troi hobi yn fenter fasnachol – yn enwedig ar ôl Covid, o gyrsiau Cymraeg i Oedolion i raddau AU (Addysg Uwch) a BTEC.”
Ychwanegodd Mrs Price: “Mae llawer o’r cyrsiau yma wedi’i hariannu’n llawn, yn hyblyg ac yn apelio at lawer o ddiwydiannau felly mae yna rywbeth at ddant pawb ac mi fydd ein staff ni ar gael i siarad am ffactorau eraill, gan gynnwys cofrestru a chyllid.”
Yn ôl adroddiad gan Lywodraeth Cymru roedd cyfradd llwyddo cyrsiau dysgu i oedolion yn 84% yn 2022/23, sy’n gynnydd o 3% ers y flwyddyn flaenorol.
Roedd cynnydd o 45% yn y nifer o weithgareddau dysgu y gellir eu hasesu a gafodd eu cyflwyno’n uniongyrchol gan awdurdodau lleol yn 2022/23 o’i gymharu â 2021/22, ac Addysg a Hyfforddiant, Saesneg i Siaradwyr Ieithoedd Eraill a Gwyddoniaeth a Mathemateg oedd gyda’r cynnydd mwyaf mewn cyfraddau llwyddo yn 2022/23 o’i gymharu â 2021/22.
“Mae’r nifer o oedolion sy’n dychwelyd i addysg wedi cynyddu, hyd yn oed yn rhan-amser,” meddai Mrs Price.
“Mae llawer o bobl yn chwilio am opsiynau sy’n ffitio o amgylch eu gyrfa, teulu, a bywydau bob dydd, p’un ai fod hynny’n dysgu o bell, cyrsiau nos neu ddarpariaeth yn eu cymuned.
“Mae Coleg Cambria yn benderfynol o ddarparu cymaint o gyfleoedd â phosib i’r rhai sydd eisiau cymryd y camau nesaf yn eu haddysg. Bydd digwyddiadau agored yn dangos y ffordd iawn i’r rhai sydd â diddordeb mewn cyrsiau nos a phrentisiaethau a allai ffurfio pennod gyffrous nesaf yn eu bywydau neu yrfaoedd.”
I gael rhagor o wybodaeth ac i gadw eich lle, dilynwch sianeli cyfryngau cymdeithasol Coleg Cambria ac ewch i’r wefan: www.cambria.ac.uk/ymgyrchoedd/digwyddiadau-agored-addysg-i-oedolion.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
