Ar 31 Ionawr, llwyddodd y Diffoddwr Tân Rhys Fitzgerald a thîm bach o Wasanaeth Tân ac Achub Canolbarth a Gorllewin Cymru gwblhau Her Tri Chopa Cymru.
Fe wnaeth y Prif Swyddog Tân Craig Flannery, Tom Wass o Diogelwch Tân Busnesau, a Tanja Fletcher a Joel Freeman o Orsaf Dân Llandeilo ymuno â Rhys, o Orsaf Dân Cydweli.
Er gwaethaf y tywydd gwlyb ac oer, a’r gofynion corfforol sylweddol, fe wnaeth y tîm gwblhau’r her mewn 15.5 awr, gan ddangos penderfynoldeb a gwaith tîm eithriadol trwy’r cyfan.
Ar ôl cwblhau’r her, dywedodd y Diffoddwr Tân Rhys Fitzgerald:
“Roedd ymrwymiad a gwytnwch y tîm trwy gydol yr her yn adlewyrchiad o werthoedd yr elusennau rydyn ni’n eu cefnogi. Roedd yn arddangosiad pwerus o waith tîm, dyfalbarhad a phwrpas, gan brofi y gall y meddylfryd iawn ein helpu i oresgyn hyd yn oed dan yr amodau anoddaf.”
Mae’r her yn rhan o gyfres o heriau elusennol y mae Rhys am eu cwblhau i gefnogi Prosiect Tân, gan gasglu arian ar gyfer Mind, Elusen y Diffoddwyr Tân, a Sefydliad Nimsdai.
Gall unrhyw un sy’n awyddus i gefnogi Rhys a Phrosiect Tân gyfrannu gan ddefnyddio ei dudalen GiveStar.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
