Mae dros 50% o drenau newydd sbon bellach yn rhedeg ar linellau Cymru a’r Gororau, gyda rhagor ar y gweill eleni.
Mae’r trenau newydd, y mae llawer ohonynt wedi’u gwneud yng Nghymru, yn rhan o fuddsoddiad gwerth £800m gan Lywodraeth Cymru i drawsnewid gwasanaethau rheilffyrdd yng Nghymru. Gan gynnig mwy o gapasiti, seddi gwell, systemau aerdymheru modern, socedi pŵer, Wi-Fi a sgriniau sy’n rhoi’r wybodaeth ddiweddaraf am deithio i deithwyr, mae cwsmeriaid eisoes yn elwa ar y gwelliannau hyn.
O ganlyniad, mae dwy ran o dair o siwrneiau teithwyr yng Nghymru bellach ar drenau newydd a gwell.
Wrth siarad ar ymweliad â depo CAF lle mae rhai o’r trenau newydd sbon yn cael eu gwneud, dywedodd Ken Skates, Ysgrifennydd y Cabinet dros Drafnidiaeth a Gogledd Cymru:
“Mae hon yn garreg filltir bwysig ar ein cenhadaeth i drawsnewid ein rheilffyrdd.
“Mae’r trenau modern newydd sbon hyn yn trawsnewid profiadau teithwyr ar linellau Cymru a’r Gororau gyda gwasanaethau cyflymach ac amlach diolch i’n buddsoddiad digynsail o £800 miliwn.
“Mae’r dyfodol ar gyfer y rheilffyrdd yng Nghymru yn edrych yn ddisglair ac rwy’n edrych ymlaen at roi rhagor o newyddion da ichi wrth inni barhau i redeg mwy a mwy o drenau newydd ac annog mwy o bobl yn ôl ar y trên.”
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
