Bydd Coleg Cambria yn arddangos ei ystod eang o gyrsiau, cymwysterau a phrentisiaethau yn ystod yr wythnosau nesaf.
Bydd y sesiynau yn cael eu cynnal ar y dyddiadau canlynol ar y safleoedd hyn:
Glannau Dyfrdwy a Chweched Glannau Dyfrdwy – Nos Fercher 5 Mawrth o 5.30pm tan 7.30pm
Llysfasi – Dydd Sadwrn 8 Mawrth o 10am tan 12pm
Iâl a Chweched Iâl Wrecsam – Nos Fercher 12 Mawrth o 5.30pm tan 7.30pm
Ffordd y Bers Wrecsam – Nos Fercher 12 Mawrth o 5.30pm tan 7.30pm
Llaneurgain – Dydd Sadwrn 15 Mawrth o 10am tan 12pm
Bydd digwyddiadau hygyrch hefyd ym mhob safle ar gyfer pobl niwroamrywiol sy’n edrych i archwilio popeth sydd gan Cambria i’w gynnig mewn lleoliad sy’n gefnogol i’r synhwyrau.
Byddant yn digwydd ar y dyddiadau a’r amseroedd isod:
Glannau Dyfrdwy a Chweched Glannau Dyfrdwy – Nos Iau 13 Mawrth o 5pm tan 6pm.
Llysfasi – Nos Iau 27 Mawrth o 5pm tan 6pm.
Iâl a Chweched Iâl Wrecsam – Nos Fercher 19 Mawrth o 5pm tan 6pm.
Ffordd y Bers Wrecsam – Nos Iau 20 Mawrth o 5pm tan 6pm.
Llaneurgain – Nos Fercher 26 Mawrth o 5pm tan 6pm.
Fe wnaeth y coleg – sydd â mwy na 25,000 o ddysgwyr llawn amser a rhan-amser – gyflwyno cyrsiau newydd cyffrous ym mis Ionawr, gan gynnwys Creu Gêm Gyfrifiadurol, Ffrangeg a Sbaeneg Sgyrsiol a Chanolradd, Cyflwyniad i Makaton, a Phermio Amrannau (Lash Lift), yn ogystal â channoedd o raglenni presennol.
Bydd darlithwyr a staff wrth law yn y digwyddiadau agored i drafod opsiynau a gofynion mynediad, yn ogystal â chyllid, trafnidiaeth, dysgu dwyieithog, cydraddoldeb ac amrywiaeth, a mwy.
Bydd gweithdai, cyflwyniadau a sgyrsiau, a gall y rhai nad ydynt yn gallu mynd yn bersonol fewngofnodi i’r wefan a chael mynediad i deithiau 3D o bob safle.
Bydd yr Ystafell Sba ac Iechyd gwerth £14m a wnaeth agor yn Iâl yn ddiweddar, a chanolfan amaethyddiaeth £10m yn Llysfasi, ar gael i ymweld â hi.
Dywedodd y Pennaeth Sue Price: “Mae’r cyfleusterau blaengar o’r radd flaenaf sydd gennym ni’n dangos ein hymrwymiad i fyfyrwyr a’n cymunedau yng ngogledd ddwyrain Cymru.
“Er bod yr adeiladau hyn yn anhygoel ac ar flaen y gad o ran technoleg a datblygiadau mewn addysg bellach, mae ein tiwtoriaid a’n staff anhygoel, tîm Llais Myfyrwyr a’r amgylchedd diogel a chroesawgar yng Ngholeg Cambria yn ganolog i’n llwyddiant ni.
“Mae’r coleg yn tyfu’n gryfach bob blwyddyn, gan godi’r safon gyda chyrsiau newydd a chyffrous, dysgu hyblyg i fyfyrwyr addysg bellach ac uwch a darparu llwybr hygyrch i bobl o bob oed at addysg a phrofiad, fel y gallan nhw fynd ymlaen i wireddu eu breuddwydion a’u dyheadau gyrfa.”
Ychwanegodd: “Mae gennym ni bob amser nifer gwych o bobl sy’n pleidleisio ar gyfer y digwyddiadau agored yma ac mae’r ymateb rydyn ni wedi’i gael ar gyfer y sesiynau diweddaraf yma wedi bod yn wych.
“Rydyn ni’n edrych ymlaen at eich croesawu chi i gyd ac yn annog unrhyw un sy’n bwriadu mynd i archebu ymlaen llaw, fel y gallwch chi gymryd eich amser ac archwilio’r hyn sydd ar gael, amsugno’r awyrgylch a chael ymdeimlad o fywyd yng Ngholeg Cambria – fyddwch chi ddim yn cael eich siomi.”
I gael rhagor o wybodaeth, cofrestrwch eich lle ac i wylio fideo gydag awgrymiadau gwych ar sut i gael y gorau o ddigwyddiadau agored, ewch i’r wefan: Archif Digwyddiadau < Coleg Cambria.
Fel arall, dilynwch Goleg Cambria ar y cyfryngau cymdeithasol, ffoniwch 0300 30 30 007 neu e-bostiwch gwasanaethaumyfyrwyr@cambria.ac.uk.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
