Cymerodd teulu Rhys Calthorpe, a fu farw’n drist yn 14 oed, ran yn nofio Dydd Calan Saundersfoot 2025 er cof amdano a chodi £750 ar gyfer y Gronfa Ddymuniadau.
Mae’r Gronfa Ddymuniadau yn ymgyrch a gyflwynir gan Elusennau Iechyd Hywel Dda sy’n creu atgofion parhaol i blant a phobl ifanc â chyflyrau sy’n peryglu bywyd ac sy’n cyfyngu ar fywyd a’u teuluoedd.
Yn anffodus, bu farw Rhys ar 17 Gorffennaf 2023 oherwydd Lewcemia Myeloid Acíwt. Bu farw Rhys yn dawel yng nghartref ei nain a’i daid, lle’r oedd yn dymuno aros, gyda’i deulu o’i gwmpas.
Dywedodd Mr. Morris, Taid Rhys: “Ar Ddydd Calan, cymerodd fi, Mamgu Rhys, Mam a Chwaer, ran yn Nofio Dydd Calan ar draeth Saundersfoot.
“Roedden ni eisiau gwneud rhywbeth er cof am ein Rhys. Roedden ni hefyd eisiau codi arian i ddweud diolch a rhoi yn ôl am y gofal anhygoel a gafodd Rhys. Dewison ni’r Gronfa Ddymuniadau gan eu bod nhw’n gwneud gwaith anhygoel i deuluoedd fel ein un ni.
“Diolch i bawb a’n noddodd. Er cof am Rhys William Calthorpe – Mab, Brawd, Ŵyr.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Rydym am ddiolch o galon i deulu Rhys am eu codi arian hael, bydd yn gwneud gwahaniaeth mawr i gleifion sy’n cael gofal gan y gwasanaeth Gofal Lliniarol Pediatrig.
“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn hynod ddiolchgar am bob rhodd a dderbyniwn.”
I gael gwybod mwy am y Gronfa Dymuniadau, ewch i: https://hywelddahealthcharities.nhs.wales/campaigns/the-wish-fund/
Am fwy o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
|
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
This is such a heartwarming initiative—especially when everyday activities like a sea swim become powerful tools for charity. It’s inspiring to see families leading by example in their communities.