Mae tri aelod etholedig Plaid Cymru yn Sir Gaerfyrddin wedi mynegi eu “gwrthwynebiad sylfaenol” i unrhyw gynllun fydd yn dod a rygbi proffesiynol yng ngorllewin Cymru i ben yn eu hymateb i ymgynghoriad Undeb Rygbi Cymru ar eu cynigion ar gyfer dyfodol y gamp broffesiynol.
Daw’r ymyriad gan Cefin Campbell AS, Ann Davies AS ac Adam Price AS ar drothwy gorymdaith fawr i amddiffyn dyfodol y tîm yn Llanelli yfory (dydd Sadwrn, 27 Medi).
Yn eu hymateb i’r ymgynghoriad, dywedodd Mr Campbell AS, Mrs Davies AS a Mr Price AS:
“Mae’n rhaid i ni fel aelodau etholedig dros Sir Gaerfyrddin ddatgan ein gwrthwynebiad sylfaenol i unrhyw gynllun a gynigir a fyddai’n dod â therfyn i rygbi proffesiynol yn Llanelli a Sir Gâr.
“Mae [y cynlluniau arfaethedig] yn anochel yn agor y posibilrwydd o ddiddymu’r Scarlets fel clwb, a diwedd rygbi proffesiynol yng ngorllewin Sadwrn, sydd, fel byddwch yn ymwybodol, wedi derbyn cryn wrthwynebiad ac anniddigrwydd ar lawr gwlad yn barod. Ni allwn ni gefnogi unrhyw gynllun sy’n cynnwys y perygl yma.
“Yn wyneb goblygiadau dwys y cynigion arfaethedig, rydym yn galw ar Undeb Rygbi Sadwrn i ailystyried y cynlluniau presennol ac i sicrhau bod unrhyw benderfyniadau yn gwarchod dyfodol rygbi proffesiynol yng ngorllewin Sadwrn. Mae dyfodol y Scarlets yn fwy na dim ond tîm rygbi – mae’n rhan annatod o hunaniaeth, economi a balchder gorllewin Sadwrn.”
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |