Mae NFU Sir Gaerfyrddin Canolog wedi dewis yr Uned Ddydd Cemotherapi yn Ysbyty Glangwili i dderbyn rhodd o £7,899.
Gwnaed y rhodd yn bosibl drwy Gronfa Rhoi Asiantaethau Cydfuddiannol NFU gyda swyddfeydd Sir Gaerfyrddin yn enwebu’r Uned Ddydd Cemotherapi yn Ysbyty Glangwili i dderbyn y rhodd.
Dywedodd Laura Tucker, Rheolwr yr Asiantaeth: “Ni yw asiantaeth leol cwmni yswiriant NFU Mutual.
“Mae NFU Mutual yn dyrannu pot o arian bob blwyddyn a gall pob asiantaeth ddewis elusen i roi cyfran iddi. Dewisom yr Uned Ddydd Cemotherapi yn Ysbyty Glangwili gan eu bod wedi gofalu am ffrind gorau un o’n hasiantau yn ddiweddar.”
Dywedodd Jessica Michael, Uwch Brif Nyrs: “Ar ran y staff a’r cleifion yn yr Uned Ddydd Cemotherapi yn Ysbyty Glangwili, hoffwn ddiolch i NFU Sir Gaerfyrddin am gefnogi’r uned, gan arwain at rodd hael iawn o £7,899.00.
“Rydym bob amser yn chwilio am ffyrdd o wella’r amgylchedd a’r ffordd rydym yn gofalu am gleifion yn yr Uned Ddydd Cemotherapi. Byddwch yn dawel eich meddwl y bydd yr arian hwn yn mynd tuag at y gwelliant hwn. Diolch yn fawr”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Diolch i NFU Caerfyrddin am enwebu’r Uned Ddydd Cemotherapi yn Ysbyty Glangwili i dderbyn y rhodd.
“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn hynod ddiolchgar am bob rhodd a dderbyniwn.”
Am fwy o fanylion am elusen y GIG a sut y gallwch chi helpu i gefnogi cleifion a staff lleol y GIG, ewch i: https://elusennauiechydhyweldda.gig.cymru/
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
