Diolch i roddion, mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi gallu prynu dau deledu newydd gwerth dros £1,000 ar gyfer y man aros i gleifion a’r ystafell driniaeth yn yr Uned Ddydd Cemotherapi yn Ysbyty Tywysog Philip.
“Gall cael cemotherapi fod yn brofiad emosiynol, ac mae’r amser a dreulir yn aros am driniaeth yn aml yn gallu ychwanegu at bryder ac anghysur cleifion.
“Mae clinigau yn cael eu cynnal o fewn yr Uned Ddydd Cemotherapi ac weithiau gallant or-redeg. Bydd darparu mynediad i’n cleifion at deledu yn gwneud eu profiad yn fwy cyfforddus ac yn tynnu eu sylw wrth iddynt aros am eu hapwyntiad. Gall presenoldeb teledu wneud i’r man aros deimlo’n fwy deniadol ac yn llai clinigol.
“Bydd darparu teledu i gleifion yn yr ystafell driniaeth hefyd yn gwneud eu profiad yn fwy cyfforddus ac yn tynnu eu sylw wrth iddynt gael cemotherapi.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau yn ychwanegol at yr hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
