21 Gorffennaf 2026 | 21 July 2026
Mae prentisiaid gofal iechyd, Hanna Griffiths o Bencader (Sir Gaerfyrddin) a Teleri Evans o Lanybydder (Ceredigion), wedi cael eu cydnabod am eu hymdrechion yng Ngwobrau B-WBL eleni yn Abertawe.
Mae Gwobrau B-WBL yn ddigwyddiad blynyddol sy’n tynnu sylw at ymroddiad a chyflawniadau dysgwyr Cymraeg o bob rhan o dde a gorllewin Cymru.
Mae Hanna a Teleri yn brentisiaid gyda Bwrdd Iechyd Prifysgol Hywel Dda. Enillodd Hanna, sy’n gweithio ar Ward Cadog yn Ysbyty Glangwili yng Nghaerfyrddin, y wobr gyffredinol ar gyfer y Gymraeg. Mae Teleri yn gweithio yn yr Adran Cleifion Allanol yn Ysbyty Glangwili, ac fe’i henwyd yn ail yn y categori ar gyfer Defnydd Ysbrydoledig o’r Gymraeg.
Dywedodd Nicola Fourie, Cydlynydd yr Academi Brentisiaeth ar gyfer y Bwrdd Iechyd: “Ar ran yr Academi Brentisiaeth, rydym yn hynod falch o Hanna a Teleri am eu cyflawniadau gwych.”
Mae defnyddio’r Gymraeg bob dydd yn hanfodol, yn enwedig i’n cleifion sy’n siarad Cymraeg, ac mae’n helpu i wella eu profiadau mewn amgylchedd ysbyty neu glinigol.
“Mae Hanna a Teleri wedi dangos angerdd eithriadol dros hyrwyddo a defnyddio’r Gymraeg, yn y gweithle ac yn ystod eu hastudiaethau yn y coleg. Mae eu brwdfrydedd a’u hymrwymiad yn ysbrydoli eraill i ddefnyddio, dysgu a chofleidio’r Gymraeg ym mywyd pob dydd.
Dywedodd Lucy Breckon, Rheolwr Dysgu Seiliedig ar Waith (Iechyd, Gofal a Mentrau Masnachol) yng Ngholeg Sir Benfro: “Mae llwyddiant Hanna a Teleri yn gwbl haeddiannol ac yn adlewyrchu’r ymrwymiad maent wedi’i ddangos drwy gydol eu prentisiaethau. Maent wedi manteisio ar bob cyfle i ddatblygu a defnyddio eu sgiliau iaith Gymraeg, gan roi’r cynnig gweithredol ‘Mwy na Geiriau’ ar waith yn weithredol ar y wardiau, a helpu i sicrhau bod cleifion yn cael y cyfle i gyfathrebu yn Gymraeg.”
Dywedodd Janice Morgan, Swyddog Datblygu’r Gymraeg yng Ngholeg Sir Benfro: “Mae wedi bod yn bleser pur gweithio gyda Hanna a Teleri. Mae eu brwdfrydedd dros y Gymraeg wedi bod yn amlwg o’r cychwyn cyntaf, ac maent wedi manteisio i’r eithaf ar bob cyfle fel Llysgenhadon y Gymraeg. Maent wedi bod yn glod i’r Coleg ac wedi rhagori yn eu rolau.”
Enillodd Hanna hefyd y Wobr Talent Newydd yng nghystadleuaeth ddiweddar y Coleg Cymraeg Cenedlaethol yng Nghanolfan Mileniwm Cymru, Caerdydd. Mae’r gwobrau’n tynnu sylw at ddysgwyr, prentisiaid ac addysgwyr sydd wedi gwneud cyfraniad sylweddol i addysg drydyddol cyfrwng Cymraeg a ddwyieithog dros y flwyddyn ddiwethaf.
I gael rhagor o wybodaeth am ba brentisiaethau y gall y bwrdd iechyd eu cynnig i chi, ewch i: Academi Brentisiaeth – Bwrdd Iechyd Prifysgol Hywel Dda
Swyddfa’r Cyfryngau | Media Office
Cyfathrebu | Communications
Bwrdd Iechyd Prifysgol Hywel Dda | Hywel Dda University Health Board
mediaoffice.hyweldda@wales.nhs.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |