Gall teithwyr fydd yn teithio i gyrchfannau poblogaidd fel Dinbych-y-pysgod a Saundersfoot nawr deithio ar drenau newydd sbon gan y bydd trenau dosbarth 197 Trafnidiaeth Cymru yn dechrau gwasanaethu at hyd lein Penfro.
Ymddangosodd y trenau Dosbarth 197, trenau a adeiladwyd yng Nghymru, am y tro cyntaf ar y lein rhwng Abertawe/Caerfyrddin a Doc Penfro ddydd Llun 10 Mehefin, gyda’r mwyafrif o wasanaethau’n cynnwys tri cherbyd.
Mae modd cynnal gwasanaethau pedwar cerbyd ar y lein, sy’n creu mwy o le ac yn gwneud y daith yn fwy cyffyrddus yr haf hwn.
Dywedodd Marie Daly, Prif Swyddog Cwsmeriaid a Diwylliant Trafnidiaeth Cymru: “Ers i’r cyntaf o’n trenau newydd sbon ddechrau gwasanaethu’r llynedd, rydym wedi bod yn gweithio’n galed i ychwanegu mwy o lwybrau ledled Cymru.
“Rydym yn falch iawn o allu dechrau rhedeg trenau newydd ar lein Penfro yn barod ar gyfer gwyliau’r haf.
“Mae TrC wedi ymrwymo i ddarparu dewis amgen i bobl yn lle’r car. Mae’r trenau newydd hyn yn gyfforddus iawn – mae ganddynt seddi gwell, system aerdymheru a sgriniau gwybodaeth i gwsmeriaid.”
Wedi’i hadeiladu yn ffatri drenau CAF yn Llanwern, Casnewydd, bydd 77 o’r 197 o drenau dosbarth 197 yn gwasanaethu ledled Cymru ac ar hyd ei ffin a’r Gororau unwaith y byddant i gyd ar waith. Y trenau hyn fydd asgwrn cefn y fflyd ar hyd ein prif lein.
Er bod y cyfnod ymgynefino’n parhau, efallai y bydd cwsmeriaid yn dal i weld rhai o’r trenau hŷn ar waith ond bydd y rhain yn gadael y gwasanaeth yn raddol dros y blynyddoedd nesaf.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
