Am 11 o’r gloch ar 12 Mehefin, bydd y Rheolwr Gorsaf Dave Latham, ynghyd â thîm cymorth bach, yn ymgymryd â’r her arwrol o ddringo’r Wyddfa, nid unwaith, ond cymaint o weithiau ag y gallant mewn 24 awr!
Gan gadw at y canllawiau cyfredol o ran COVID-19, bydd aelodau eraill o’r Gwasanaeth yn ymuno â nhw hefyd i’w cefnogi trwy gydol y digwyddiad, yn ogystal ag i gyflawni eu heriau unigol eu hunain.
Bydd y Rheolwr Gorsaf Latham a’r tîm yn ymgymryd â’r her arwrol hon i gefnogi Elusen y Diffoddwyr Tân, sefydliad sy’n cynnig cymorth arbenigol gydol oes i aelodau o gymuned gwasanaethau tân y DU, sy’n cynnwys personél cyfredol a phersonél wedi ymddeol, a’u teuluoedd.
Dywedodd y Rheolwr Gorsaf Dave Latham, “Yn dilyn yr amseroedd anodd yr ydym i gyd wedi bod trwyddynt, mae ar elusen y Diffoddwyr Tân angen ein cymorth ‘nawr fwy nag erioed. Mae’r pandemig wedi golygu bod digwyddiadau elusennol a chodi arian wedi cael eu canslo, sydd wedi arwain at ostyngiad sylweddol yn y rhoddion i’r elusen, a dyma, felly, un o’r nifer o resymau dros y digwyddiad codi arian hwn.
Parhaodd trwy ddweud, “Bydd hon yn her aruthrol i bawb dan sylw, ond rydym i gyd yn edrych ymlaen yn fawr at weld sawl gwaith y gallwn ddringo’r mynydd hwn yn yr amser a fydd gennym”.
Os hoffech gyfrannu at y digwyddiad codi arian hwn, ewch i’r dudalen Just Giving YMA – derbynnir pob rhodd yn ddiolchgar iawn, ni waeth pa mor fach.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
