Cododd diwrnod golff elusennol a drefnwyd gan y Falcon Useless Golfing Society (FUGS) swm gwych o £7,000 ar gyfer Apêl Cemo Bronglais.
Roedd 29 tîm o bedwar yn cymryd rhan yn y twrnamaint golff yng Nghlwb Golff Aberystwyth fis diwethaf.
Dywedodd y trefnydd Barry Phipsom fod y FUGS wedi eu syfrdanu gan y gefnogaeth i’r digwyddiad a’r swm o arian a godwyd.
“Roedd yn ddiwrnod gwych o golff, yn ddiwrnod o hwyl, gyda raffl ac arwerthiant gyda’r nos. Yn cymryd rhan roedd golffwyr sy’n chwarae bob wythnos a’r rhai sydd ond yn chwarae unwaith y flwyddyn.
“Cymorth pobl sy’n gwneud y diwrnod. Roedd pawb mor hael a hoffem ddiolch yn arbennig i Glwb Golff Aberystwyth, am roi defnydd i ni o’r cyfleusterau am ddim, a busnesau lleol a gyfrannodd wobrau raffl ac arwerthiant.”
Ychwanegodd Barry: “Roeddem am gefnogi’r Apêl am uned ddydd cemotherapi newydd ar gyfer Ysbyty Bronglais. Mae cael gwasanaethau canser lleol yn bwysig i bob un ohonom.”
Dywedodd Bridget Harpwood, Swyddog Codi Arian yn Elusennau Iechyd Hywel Dda: “Rydym mor ddiolchgar i’r FUGS am godi swm mor wych o arian ar gyfer ein apêl.”
Nod Apêl Cemo Bronglais yw codi’r £500,000 terfynol sydd ei angen ar gyfer y gwaith adeiladu i ddechrau ar uned ddydd cemotherapi bwrpasol newydd ar gyfer Ysbyty Bronglais, er mwyn gwella profiad y claf.
I gael rhagor o wybodaeth am yr Apêl ewch i: www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
