Syniad hyfryd gan Irene Thomas a’i chymydog drws nesaf Edna Dowsall, a agorodd eu gerddi yn Temple Bar a chodi £2,600 ar gyfer Apêl Cemo Bronglais.
Gallai ymwelwyr fynd ar daith o amgylch y ddwy ardd yn Temple Bar a chafwyd lluniaeth, stondin blanhigion a raffl hefyd.
Roedd Irene eisiau codi arian i’r Apêl ar ôl derbyn triniaeth yn yr uned ddydd cemotherapi ar gyfer canser y fron.
Dywedodd Irene, 72: “Cefais ddiagnosis o ganser y fron yn union fel yr oedd y pandemig yn cychwyn. Cefais gemotherapi ym Mronglais, ac yna mastectomi dwbl, mwy o gemotherapi a radiotherapi.
“Fyddwn i ddim yma heb y gofal anhygoel ges i. Roedd pawb mor garedig, roedd y staff yn fendigedig. Roeddwn i eisiau helpu’r Apêl am uned ddydd cemotherapi newydd, felly cafodd fy nghymydog Edna a minnau ddigwyddiad gardd agored dros un penwythnos.
“Rydw i eisiau dweud diolch i bawb a helpodd; roedd 10 ohonom, yn deulu a ffrindiau. Diolch hefyd i bawb a fynychodd a hefyd i’r rhai na allai fod yn bresennol ond a roddodd roddion yn lle hynny.”
Nod Apêl Cemo Bronglais yw codi’r £500,000 terfynol sydd ei angen ar gyfer y gwaith adeiladu i ddechrau ar uned ddydd cemotherapi bwrpasol newydd ar gyfer Ysbyty Bronglais, er mwyn gwella profiad y claf yn fawr.
I gael rhagor o wybodaeth am yr Apêl ewch i: www.elusennauiechydhyweldda.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
