Mae Elusennau Iechyd Hywel Dda wedi prynu chwe mainc i staff y tu allan i ardaloedd gorffwys yng nghanolfannau iechyd Hwlffordd, Doc Penfro ac Aberdaugleddau, diolch i roddion.
Bydd y meinciau, sydd wedi’u gwneud o ddeunyddiau wedi’u hailgylchu, yn ei gwneud hi’n haws i staff Hywel Dda gael mynediad i fannau allanol wrth gymryd egwyl.
Dywedodd y Rheolwr Gwasanaeth Busnes Joanne Riggs: “Gyda staff yn treulio mwy o amser ar eu cyfrifiaduron yn ystod y pandemig, yn cynnal clinigau rhithwir a chyfarfodydd, bydd cael mannau eistedd ychwanegol y tu allan yn helpu i hyrwyddo eu lles.
“Mae’r mannau gwyrdd, tawel hyn yn annog staff i gael egwyl benodol i ffwrdd o’u desgiau.”
Yn y llun mae rhai o staff Canolfan Iechyd Doc Penfro gyda’u meinciau newydd.
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.elusennauiechydhyweldda.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |