Mae Elusennau Iechyd Hywel Dda, elusen GIG swyddogol Bwrdd Iechyd Prifysgol Hywel Dda, yn rafflo crys rygbi Cymru o Cyfres yr Hydref 2022.
Mae’r crys wedi ei lofnodi gan aelodau o garfan Cymru 2022 gan gynnwys Leigh Halfpenny, George North a Kieran Hardy. Fe’i rhoddwyd yn hael gan y blaenwr Jac Morgan.
Bydd yr arian a godir gan y raffl yn mynd tuag at y Gronfa Ddymuniadau sy’n rhoi cyfle i blant a phobl ifanc â chyflyrau sy’n cyfyngu ar fywyd ac sy’n bygwth bywyd, a’u teuluoedd, wneud eiliadau hudolus y gellir eu cofio am byth.
Dywedodd Jac: “Roeddwn i wrth fy modd yn rhoi’r crys i Elusennau Iechyd Hywel Dda gan fod y Gronfa Ddymuniadau yn achos mor deilwng. Rwy’n gobeithio y bydd yr arian a godir yn helpu i greu eiliadau hudolus i blant a phobl ifanc a’u teuluoedd ar draws ardal Hywel Dda.”
Mae pob raffl yn costio £2.50 a gellir eu prynu ar dudalen raffl ar-lein.
Bydd y raffl yn cael ei thynnu’n fyw ar dudalen Facebook yr elusen am 3pm ar ddydd Gwener 17eg Mawrth, noswyl Sadwrn Gwych y Chwe Gwlad 2023.
Dywedodd Nicola Llewelyn, Pennaeth Elusennau Iechyd Hywel Dda: “Rydym yn hynod ddiolchgar i Jac am y rhodd o’r crys. Dyma ran o hanes rygbi Cymru ac yn rhywbeth i’w drysori am genedlaethau i ddod.
“Pob lwc i’r rhai sy’n cystadlu – ac i Gymru yn y Chwe Gwlad!”
|
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
