Diolch i roddion, mae Elusennau Iechyd Hywel Dda wedi gallu prynu pethau ymolchi i gleifion mewnol ar draws holl safleoedd Bwrdd Iechyd Prifysgol Hywel Dda.
Mae’r pethau ymolch yn cynnwys brwsys dannedd, past dannedd, crwybrau, siampŵ a chyflyrydd.
Nid oes gan lawer o gleifion sy’n cael eu derbyn i’r ysbyty y modd ariannol, na chymorth teulu, i brynu cynhyrchion hylendid hanfodol.
Dywedodd Honey Owens, Prentis Profiad y Claf: “Rydym yn ddiolchgar iawn bod cronfeydd elusennol wedi ein galluogi i brynu’r pethau ymolchi hyn ar gyfer cleifion mewnol ar draws y bwrdd iechyd.
“Mae cael yr eitemau ymolch hyn i gleifion yn fantais enfawr, maen nhw’n gallu ymarfer hylendid da yn ystod eu harhosiad a all eu helpu yn feddyliol ac yn gorfforol.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.elusennauiechydhyweldda.org.uk
|
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |