Diolch i roddion hael, mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi ariannu hyfforddiant dementia arbenigol i aelodau staff Ysbyty Cyffredinol Llwynhelyg.
Mynychodd dros 100 o aelodau staff y diwrnod hyfforddi ‘Dewch i Siarad Dementia’ ym mis Medi 2022.
Rhoddodd y diwrnod hyfforddi gyfle i staff brofi Taith Dementia Rithwir mewn efelychydd dementia symudol.
Roedd yr hyfforddiant yn galluogi staff i gael profiad o sut deimlad yw byw gyda Dementia ac yn eu galluogi i ddeall y newidiadau syml sydd eu hangen yn eu hymarfer a’u hamgylchedd i wella bywydau pobl sy’n byw gyda dementia.
Dywedodd Nicola Zroud, Uwch Reolwr Nyrsio: “Rydym yn hynod ddiolchgar bod cronfeydd elusennol wedi ariannu’r hyfforddiant. Roedd yn gyfle ymarferol a phwerus i helpu i ymgorffori arfer da a gwella dysgu a datblygiad ein staff.
“Ar ôl profi’r hyfforddiant, mae ein staff yn gallu uniaethu ag ymddygiad ac anghenion y rhai yn eu gofal a’u deall yn well. Mae’r hyfforddiant wedi eu galluogi i gael gwell dealltwriaeth o ddementia a darparu gofal dementia yn ddiogel.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
