Diolch i roddion, mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi gallu darparu gwerth dros £600 o ddeunyddiau gelf a chrefft i Ward Cilgerran yn Ysbyty Glangwili.
Ariannodd elusen y GIG baent cymysg, glud PVA, rholyn papur, amrywiaeth o siapiau a deunyddiau eraill ar gyfer ward y plant.
Dywedodd Karen Thomas, Pennaeth Chwarae Therapiwtig: “Rydym mor ddiolchgar bod cronfeydd elusennol wedi caniatáu i ni brynu deunyddiau celf a chrefft newydd ar gyfer Ward Cilgerran.
“Mae gallu chwarae tra yn yr ysbyty yn golygu y gall y plant a’r bobl ifanc barhau ag agwedd o’u bywyd normal. Mae celf a chrefft yn helpu wrth iddynt fynd trwy driniaethau a gweithdrefnau yn yr ysbyty, gan leihau effeithiau ynysu, straen a phryder.
“Bydd y deunyddiau’n helpu i wneud y ward a’r holl fannau y mae’r plant yn mynd iddynt yn fwy cyfeillgar a hybu lles i bawb.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.elusennauiechydhyweldda.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
