Mae Ysgol Lwyfan SA15 yn Llanelli wedi codi dros £3,000 ar gyfer yr Uned Ddydd Cemotherapi yn Ysbyty Tywysog Philip.
Mae Ysgol Lwyfan SA15 yn ysgol lwyfan gymunedol gyda dros 200 o aelodau rhwng 4 a 18 oed.
Fe wnaethant gyfrannu elw o raffl ar-lein ac arwerthiant yn eu sioe ddiweddaraf yn Theatr y Ffwrnes i’r Uned Ddydd Cemotherapi er cof am Wayne Evans.
Roedd Wayne yn codi arian yn angerddol at yr uned cemotherapi fel diolch am y gofal rhagorol a gafodd, a chwblhaodd ras 5k Cymru ar y Penwythnos Cwrs Hir gyda thîm o deulu a ffrindiau ym mis Gorffennaf 2023.
Dywedodd Jed a Vicky Davies, perchnogion Ysgol Lwyfan SA15: “Pob sioe rydyn ni’n ei gwneud, rydyn ni’n ceisio codi arian i elusen sydd wedi cefnogi rhywun sy’n agos at SA15.
“Yn drist iawn, collodd Olivia, aelod o SA15, ei thad, Wayne. Gwnaethom siarad â’r teulu a dweud y byddem yn hoffi codi arian ar gyfer elusen o’u dewis. Dewisasant yr Uned Ddydd Cemotherapi yn Ysbyty Tywysog Philip gan fod Wayne yn derbyn gofal a chymorth gwych yno.
“Cawsom ein synnu ar yr ochr orau gan yr haelioni a ddangoswyd gan y rhai a gyfrannodd wobrau ac a gefnogodd ein digwyddiad codi arian trwy brynu tocynnau a chynnig ar yr arwerthiant. Yn sicr, gwobrwywyd ein hymdrechion gan y swm terfynol a godwyd.
“Hoffem ddiolch i bob unigolyn a busnes a gyfrannodd yn garedig gyda gwobrau ar gyfer ein rafflau a’n ocsiwn a hefyd i bob person a brynodd docyn neu gynnig yn ein harwerthiant.”
Dywedodd Nicola Llewellyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
