Mae criw o ddeg ar hugain o ffrindiau a chymdogion o bentref bach Talgarreg yng Ngheredigion yn rhedeg Hanner Marathon Caerdydd 2024 gyda’i gilydd i godi arian at elusen.
Bydd y criw – Criw Talgarreg Hanner Marathon Caerdydd – yn rhedeg yr hanner marathon ar gyfer yr Uned Cemotherapi yn Ysbyty Glangwili; Maggie’s, y Ganolfan Ganser yn Ysbyty Singleton, ac Aren Cymru.
Mae Allana Silvestri-Jones, Gweithiwr Cymorth Gofal Iechyd gyda’r Tîm Nyrsio Ysgol yng Ngheredigion, yn un o aelodau Criw Talgarreg. Dywedodd Allana: “Mae criw ohonom sydd â chysylltiad agos â phentref Talgarreg wedi penderfynu rhedeg Hanner Marathon Caerdydd ar 6 Hydref 2024.
“Rwy’n gweithio i Hywel Dda fel gweithiwr cymorth iechyd, mae eraill yn athrawon, myfyrwyr, ffermwyr a nyrsys. Mae’n gymysgedd go iawn o bobl. Bydd y plant yn y grŵp yn rhedeg Ras y Plant ar y dydd Sadwrn.
“Rydym yn dymuno codi arian ar gyfer tair elusen sy’n agos iawn at ein calonnau gan fod gennym ffrindiau agos sydd wedi elwa o’u cymorth yn ystod y flwyddyn ddiwethaf.
“Rydym yn gobeithio codi £1500.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Rydym am ddymuno pob lwc i Criw Talgarreg gyda’u hyfforddiant a gyda’r Hanner Marathon ym mis Hydref.
“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
I gefnogi ymgyrch codi arian Criw Talgarreg Hanner Marathon Caerdydd, ewch i: Crowdfunding to help three charities that are very close to our hearts / Codi arian tuag at dair elusen sydd yn agos iawn at ein calonnau. on JustGiving
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
